Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Nur-Sultanda balabaqshadaǵy 4 búldirshin qurylys alańyna qashyp ketken

2022 jyldyń 16 mamyr 2022 20:02

NUR-SULTAN. QazAqparat – Elordalyq bilim basqarmasy balabaqsha bóbekteriniń qurylys alańyna qashyp ketkeni úshin tárbıeshi men meńgerýshini jaýapqa tartty, dep habaralıdy QazAqparat tilshisi.

«Áleýmettik jelide №73 «Aıaýlym» bóbekjaı-balabaqshasy» MKQK janyndaǵy qurylys alańynda 4 bala júrgeni týraly beınematerıal tarady. Atalǵan fakti boıynsha bilim basqarmasy №73 «Aıaýlym» balabaqshasyna baryp qyzmettik tekserý júrgizdi», - dep jaýap berdi qalalyq bilim basqarmasy.

Tekserý barysynda balabaqsha meńgerýshisi H. D. Taıbókenovamen áńgime júrgizilip, túsindirme jazba alynǵan.

Tórt balanyń serýen kezinde balabaqsha aýmaǵynan qashyp ketkeni anyqtaldy.

Balalar qorshaýdaǵy kishkene tesik arqyly shyǵyp ketken. Az ýaqytta balalar keri qaıtarylǵan.

«Qazirgi ýaqytta balalar baqshada, olardyń jaǵdaıy birqalypty. Balabaqshanyń medıtsına qyzmetkeri tekserý júrgizdi. Búldirshinderdiń denesinen eshqandaı jaraqat tabylǵan joq. Óz laýazymdyq mindetterine nemquraıly qaraý faktisi boıynsha tárbıeshi men sharýashylyq bóliminiń meńgerýshisi tártiptik jaýapkershilikke tartyldy. Balabaqsha meńgerýshisine qatysty bilim basqarmasynyń tártiptik komıssııasynyń otyrysynda qaraý úshin materıal daıyndaldy», - deıdi bilim basqarmasy.


Joǵary qaraı