Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Nur-Sultanda COVID-19 jaǵdaılary 33,8%-ǵa tómendedi

2021 jyldyń 3 naýryz 2021 09:51

NUR-SULTAN. QazAqparat – Elordada COVID-19 aýrýy qańtar aıymen salystyrǵanda 33,8%-ǵa tómendedi. Bul týraly Nur-Sultan qalasynyń bas memlekettik sanıtarlyq dárigeri Sarhat Beısenova aıtyp berdi, dep habarlaıdy QazAqparat tilshisi.

«Qabyldanǵan shekteý jáne epıdemııaǵa qarsy sharalarynyń arqasynda qalada COVID-19 aýrýy qańtar aıymen salystyrǵanda 33,8%-ǵa tómendegeni baıqalady. Búgingi kúni qaladaǵy aptalyq qarqyndy kórsetkish 100 myń turǵynǵa shaqqanda - 53,96-ty kórsetedi. Nur-Sultan qalasy «sary aımaqta» tur, reprodýktıvti sany – 0,997», - dedi S. Beısenova elorda ákimdiginde ótken onlaın brıfıngide.

Qalada barlyq jastaǵy jáne kontıngentter arasynda COVІD-19 jaǵdaılaryn tirkeý jalǵasýda. Jyl basynan beri 6707 zerthanalyq rastalǵan COVІD-19 jaǵdaıy tirkelgen jáne 85 klınıkalyq-epıdemıologııalyq rastalǵan COVІD-19 jaǵdaılary PTR-testiniń teris nátıjesimen tirkelken.

Táýligine 68 ınfektsııa jaǵdaıy tirkeldi, onyń ishinde 37 jaǵdaı sımptomdy, 31-i sımptomsyz túrde bolǵan. Al 73 oshaq anyqtalsa, onyń 54-i úılerde, 19-y uıymdastyrylǵan toptarda ornalasqan.

«Sonymen birge sımptomy bar naýqastardyń úles salmaǵy qańtar aıynda 65,2 % bolsa, aqpan aıyna 68,09 %-ǵa deıin ósken. Atap aıtqanda, 50 jastan asqan adamdar arasynda sımptomdarmen syrqattaný 3,5%-ǵa ósti», - deıdi spıker.

Joǵary qaraı