Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Nur-Sultanda halyq sanaǵynyń negizgi kezeńine daıyndyq bastaldy

2021 jyldyń 4 tamyz 2021 15:15

NUR-SULTAN. QazAqparat - Elordada halyq sanaǵynyń daıyndyq kezeńi aıaqtaldy, onyń aıasynda ıntervıýerler turǵyndar sanyn belgileý, sondaı-aq meken-jaı derekterin redaktsııalaý maqsatynda turǵyn jáne turǵyn emes úı-jaılardy aralap shyqty, dep habarlaıdy QazAqparat qala ákimdiginiń resmı saıtyna silteme jasap.

Planshet qurylǵylaryna jınalǵan barlyq aqparat «Aýdandastyrý» avtomattandyrylǵan júıesine berildi.

Ulttyq statıstıka bıýrosynyń habarlaýynsha, qazir sanaqtyń daıyndyq kezeńiniń derekteri negizinde halyq sanaǵyn ótkizýdiń negizgi kezeńi úshin aldyn ala esepteý men esep jáne nusqaý ýchaskelerin qalyptastyrý júrgizilip jatyr.

Esepteý jáne nusqaý berý ýchaskeleri bir ıntervıýer - eseptegishke 833 adamnyń júktemesin eskere otyryp, aldymen qala kartasynda qalyptastyrylady, sodan keıin aqparattyq júıege jáne planshettik qurylǵylarǵa kóshiriledi. Bul barlyq respondentterge sanaq paraqtary boıynsha

elektrondyq túrde saýalnama júrgizýge múmkindik beredi.

«Intervıýerlerdiń elektrondyq planshetterdi paıdalanýy sanaq qyzmetkerleriniń eńbek shyǵyndaryn azaıtýǵa, adam faktorynyń derekter sapasyna áserin azaıtýǵa, JSN qoldana otyryp, halyq sanaǵy derekteriniń shynaıylyq deńgeıin arttyrýǵa, qaǵaz ben keńse zattaryn edáýir únemdeýge septesip, sondaı-aq derekterdi jınaý kezinde ıntervıýerlerdiń jyldam jumys isteýine múmkindik beredi», - delingen vedomstvo habarlamasynda.

Nysandardy aralaý jáne onda turatyn halyqqa saýalnama júrgizý 2021 jylǵy 1-30 qazan aralyǵynda júzege asyrylady.

Aıta ketý kerek, zamanaýı tsıfrlyq tehnologııalardy engizý jáne protsesti avtomattandyrý alǵash ret halyqqa sanaqtan ótýdiń basqa nusqasyn tańdaýǵa múmkindik beredi. Azamattar ornalasqan jerine qaramastan mamandandyrylǵan sanaq.gov.kz saıtynda ınternet-saýalnamadan óte alady, ózine jáne otbasy múshelerine sanaq paraqtaryn derbes toltyrý qajet.

Saıt 2021 jyldyń 1 qyrkúıegi men 15 qazany aralyǵynda táýligine 24 saǵat boıy qoljetimdi bolady.


Basty sózder: Halyq sanaǵy, Nur-Sultan,
Joǵary qaraı