Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Nur-Sultanda halyqqa qajet kómirdiń 56 paıyzy jetkizilgen

2021 jyldyń 28 qyrkúıek 2021 17:55

NUR-SULTAN. QazAqparat – Nur-Sultan qalasynyń turǵyndaryna bıylǵy jylytý maýsymynda 300 myń tonna kómir qajet. Ázirge onyń 56 paıyzy tuıyqtarǵa jetkizilgen, dep habarlaıdy QazAqparat tilshisi.

Bul týraly ortalyq kommýnıkatsııalar qyzmetinde ótken brıfıngide QR Indýstrııa jáne ınfraqurylymdyq damý mınıstrliginiń ındýstrııalyq damý komıteti qara metallýrgııa basqarmasynyń basshysy Janat Igisinov aıtty.

«Nur-Sultan qalasy boıynsha bıyl halyqqa 300 myń tonna kómir jetkizý josparlanǵan. Búginde sonyń 168 myń tonnasy, ıaǵnı 56 paıyzy ákelingen. Basqa óńirlerdi aıtsaq, Aqmola oblysynda kommýnaldyq-turmystyq sektorǵa qajetti kómir 100 paıyz, ıaǵnı 730 myń tonna kóleminde jetkizildi. Shyǵys Qazaqstan oblysy boıynsha halyqqa 120 myń tonna kómir jetkziý josparlanǵan. Munda jospar 100 paıyz oryndaldy. Qaraǵandy oblysy boıynsha da jospar 100 paıyz oryndaldy – 536 myń tonna kómir», - dedi vedomstvo ókili.

Sondaı-aq, ol kómir jetkizý josparyn keshiktirip jatqan óńirlerdi atady.

«Árıne, halyqty kómirmen tolyq qamtamasyz etpeı jatqan óńirler bar. Paıyzben alsaq, 70-96 paıyz aralyǵynda ǵana qamtylǵan. Mysaly, Aqtóbe oblysynda 28 myń tonna kómir kerek bolsa, búginde tek 8,4 myń tonna kómir ǵana ákelingen. Biraq jergilikti ákimdiktiń málimdeýinshe, jyl saıyn osylaı keshigip jetkiziletin kórinedi. El ishinde ajıotaj joq dep otyr», - dedi Janat Igisinov.


Joǵary qaraı