Aýa raıy
Astana 31 °S
Almaty 34 °S
valıýta baǵamy
USD 412.55
EUR 468.66
RUB 5.79
CNY 58.80

Nur-Sultanda qandaı kóshelerge asfalt tóseldi

2020 jyldyń 7 shilde 2020 04:08

NUR-SULTAN. QazAqparat - Nur-Sultanda jol qurylysy men jóndeý boıynsha aýqymdy jumystar júrgizilýde. Bıyl 150 kósheni asfalttaý josparlanǵan bolatyn, onyń 100-i elordanyń turǵyn alaptarynda. Asfalttalǵan kósheler arasynda 20 jyldan beri jóndeý júrgizilmegen kósheler bar, dep habarlaıdy QazAqparat ákimdiktiń resmı saıtyna silteme jasap.

«Óndiris» turǵyn alabynyń turǵyny Sáýle Kúlmaevanyń aıtýynsha, Qapan Tuıyq kóshesine 25 jyl ishinde alǵash ret asfalt tóselgen.

Astananyń turǵyn alaptarynda 23 kóshege asfalt tóseldi: Belasar, Marqakól, Qarasaz, Nurly, Aqbergen, Balýan Sholaq, Qyryqyz, Maralsaı, Jeldirme, Quǵaly, Qamajaı, Aqpan tuıyǵy, Shyraıly tuıyǵy, Jolymbet, A.Baıtursynov, Aqqaıyń, Keńshalǵyn, Aqbıdaı, M. Tólebaev, Sútbulaq, Taısoıǵan kósheleri.

Qazirgi tańda taǵy 20 kóshede jóndeý júrgizilýde.

Úlken avtomobıl trafıgi men joldardyń tozýy baıqalatyn ortalyq kóshelerde jalpy uzyndyǵy 30 shaqyrymnan astam 27 kóshede jumystar aıaqtaldy: Bógenbaı batyr dańǵyly, Konstıtýtsııa kóshesi, Dúkenuly kóshesi, M.Maqataev kóshesiniń jalǵasy, Kenesary kóshesi, Abaı dańǵyly, Jeńis dańǵyly, Shuǵyla kóshesi, Buqarbaı batyr kóshesi, Asan Qaıǵy kóshesi, Máskeý kóshesi, «Tulpar» kópiriniń astyndaǵy burylys joly, Taha Hýseın kóshesi, S. Toraıǵyrov kóshesi, Dostyq kóshesi, Fahd ben Abdýl Azız kóshesi, Ýgolnaıa kóshesiniń jalǵasy, Q. Sátbaev, Túrkistan, A. Baıtursynov, Aqmeshit, 319, Saýran kóshesi jáne basqalar.

Taǵy 6 kóshede jumystar jalǵasýda. Sonymen qatar, kósheler men joldardy jaryqtandyrý úshin JKÝ shamdary (natrıı shamymen) zamanaýı energııa únemdeıtin jaryqdıodty shamdarǵa aýystyrylýda.

Bıyl 10 myń sham aýystyrylady, 3 jylda 37 myń kóshe shamyn aýystyrý josparlanýda. Buryn jaryqtandyrylmaǵan kósheler de qamtylady. Jobalardy júzege asyrýǵa «Jumyspen qamtýdyń jol kartasy» baǵdarlamasy yqpal etedi.

JQJK boıynsha 15 myń jumys orny ashylyp, jol qurylysyna 1,5 myń adam tartylady. Jumysqa ornalastyrý birinshi kezekte jumyspen qamtý ortalyqtary arqyly júzege asyrylady.


Joǵary qaraı