Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Nur-Sultanda qansha adam koronavırýsqa qarsy vaktsınalandy

2021 jyldyń 11 mamyr 2021 17:39

NUR-SULTAN. QazAqparat - Nur-Sultan qalasynda koronavırýsqa qarsy vaktsınany 181 myńǵa jýyq adam aldy, dep habarlaıdy QazAqparat elorda ákimdigine silteme jasap.

Onyń ishinde vaktsınanyń 1-komponentin 128 myń 700, 2-komponentin 52 myńnan astam adam aldy.

Qazirgi ýaqytta vaktsınatsııa pýnkteri medıtsınalyq uıymdarda, saýda keshenderinde ashylǵan. Osylaısha, egý kabınetteriniń sany jyljymaly brıgadalar arqyly úsh ese ulǵaıtyldy.

Qala boıynsha saýda ortalyqtary men saýda keshenderindegi pýnkter sany — 9. Olar «Mega Silk Way», «Keruen», «Han Shatyr» jáne «Abý-Dabı Plaza» saýda, oıyn-saýyq ortalyqtary, «Azııa Park» jáne «Bıg Shanhaı» saýda keshenderi, Ortalyq bazar, «Álem» jáne «Astanalyq»saýda ortalyqtary. Atalǵan egý aımaqtarynda shamamen 14 000 azamat vaktsınalandy.

Vaktsınatsııa pýnkteriniń keńeıýine baılanysty medıtsınalyq-sanıtarlyq alǵashqy kómek (MSAK) uıymdarynyń jumys ýaqyty saǵat 8:00-den 22:00-ge deıin qysqartyldy, SOO úshin jumys tártibi ózgerissiz qalady — saǵat 10:00-den 22:00-ge deıin.

Sondaı-aq, qalalyq MSAK uıymdaryna QazVac otandyq vaktsınasynyń qalǵan dozalary taratyldy. Bul dozalar birinshi kezeńde alǵan azamattardyń jartysyn vaktsınalaýǵa arnalǵan. Eske sala keteıik, sáýir aıynyń sońynda elordaǵa 6 myń qazaqstandyq preparat kelip túsken bolatyn.

Azamattardy egý úshin reseılik «Spýtnık» vaktsınasynyń 90 myńnan astam dozasy bar.

Qytaıdan jetkizilgen 7 400 vaktsınanyń qazir 6 700-ge jýyq dozasy bar. Qoǵamdyq densaýlyq saqtaý basqarmasynyń málimetinshe, jaqynda basqarma qoımalaryna Sinofarm Hayat-Vak vaktsınasynyń taǵy 7 400 dozasy kelip tústi.

Preparattardyń dozalaryn jetkizý kestege sáıkes, sondaı-aq «SQ-Farmatsııa» jáne QR DSM tártibi boıynsha júzege asyrylady.


Joǵary qaraı