Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Nur-Sultanda qar barysyna arnalǵan kórme ashyldy

2021 jyldyń 22 qazan 2021 21:55

NUR-SULTAN. QazAqparat – Nur-Sultan qalasynda halyqaralyq qar barysy kúni aıasynda arnaıy kórme ashyldy, dep habarlaıdy QazAqparat tilshisi.

«Qar barysy - Qazaqstanǵa ǵana tán nyshannyń biri. Ókinishke qaraı, bul jyrtqysh ań túriniń quryp ketý qaýpi bar. Onyń joıylyp bara jatqanyna birneshe sebep bar. Aldymen adamnyń qatysy bar, atap aıtqanda qar barysynyń mekendeý ortasyn buzý jáne brakonerlik. Sonymen qatar ekojúıe men klımattyń ózgerýi de jabaıy ańnyń tirshiligine keri áserin tıgizip jatyr. Túrli derek kózderi boıynsha búginde álemniń 12 elinde 3 myń men 7 myń aralyǵynda qar barysy bar. Al Qazaqstanda boljamǵa sáıkes shamamen 135-ten 170-ke deıin ilbis mekendeıdi. Qar barysy halyqaralyq tabıǵatty qorǵaý odaǵynyń qyzyl tizimine jáne barlyq 12 eldiń ulttyq Qyzyl kitabyna engizilgen», - dedi BUU Damý baǵdarlamasy uıymynyń Qazaqstandaǵy turaqty ókili ıAkýp Berısh kórmeniń ashylý saltanatynda.

Onyń aıtýynsha, Qazaqstanda qar barysyn saqtaý men kóbeıtýge arnalǵan memlekettik baǵdarlama ázirleıtin ýaqyt jetti.

Elordadaǵy «Barys Arena» muz aıdynynda ashylǵan kórmege 30 kartına qoıylǵan.

Týyndylardyń avtory - QR Bilim jáne ǵylymı mınıstrligi Zoologııa ınstıtýtynyń Qar barysy ortalyǵynyń ǵylymı qyzmetkeri, fotograf Saltóre Saparbaev.

Buǵan deıin habarlaǵanymyzdaı, búgin elordada «Qar barysyn saqtaıyq» atty ekologııalyq aktsııa ótti.

Aıta keteıik, 23 qazan - halyqaralyq qar barysy kúni retinde atalyp ótedi.

















Avtor Álı Ibraev
Basty sózder: Mádenıet, Nur-Sultan, Ekologııa,
Joǵary qaraı