Aýa raıy
Astana -22 °S
Almaty -1 °S
valıýta baǵamy
USD 421.58
EUR 496.83
RUB 5.53
CNY 62.20

Nur-Sultanda qar jınaýǵa 2 myńǵa jýyq jumysshy jumyldyrylǵan

2020 jyldyń 28 qarasha 2020 18:02

NUR-SULTAN. QazAqparat - Elordada qardyń qalyń túsýine baılanysty kommýnaldyq qyzmet jumysy kúsheıe tústi, dep habarlaıdy QazAqparat tilshisi.

Qazir kóshelerdi tazalaýǵa 800-den astam arnaıy tehnıka jáne eki myńǵa jýyq jumysshy jumyldyrylǵan.

Ákimdiktiń málimetine sensek, Nur-Sultan qalasynda qar tazartý jumystary keshki jáne túngi ýaqytta, eki aýysymda júrgiziledi.




Sondaı-aq qar tazartý baǵyttary da belgilenedi.

Birinshi kezekte ereje boıynsha, keptelis bolmaýy úshin, qozǵalys óte kóp jerler tazartylady.

Odan ári ortasha qozǵalys ýchaskeleri – alańdar, vokzal mańyndaǵy aýmaqtar qardan tazartylady.

Qala joldarynyń jaıaý júretin bóligi taıǵaqqa qarsy materıaldarmen óńdeledi, ol qar jaýa bastaǵannan sebiledi.




Birinshi kezekte, kólik qozǵalysy úshin eń qaýipti magıstraldar men kóshelerdiń ýchaskeleri - ór jáne eńis joldar, kópirler, tonnelder, kóshe qıylystaryndaǵy jáne qoǵamdyq kólik aıaldamalaryndaǵy tejeý alańdary óńdeledi.

Eger birinshi tsıkl aıaqtalǵannan keıin de qar jaýa berse, qajetti jumys qaıtalana beredi.

Qar qalanyń barlyq aýdandarynda ornalasqan 11 polıgonǵa shyǵaryldy. Qalada qar jınaý 24/7 rejıminde júrgiziledi.

Polıgondarda baqylaýǵa foto jáne beınekameralar ornatylǵan.

Aıta ketsek, ótken táýlikte qaladan 8 myń tekshe metr qar shyǵaryldy.











Basty sózder: Aýa raıy, Nur-Sultan, Oqıǵa,
Joǵary qaraı