Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Nur-Sultanda karantın rejımin buzýshylardy anyqtaý jalǵasýda

2021 jyldyń 22 qańtar 2021 16:12

NUR-SULTAN. QazAqparat – Arnaıy mobıldik top mekeme ıeleri men kelýshilerdiń karantın rejımin júıeli túrde buzýshylyǵyn anyqtaý jumysyn jalǵastyryp keledi. Sanıtarlyq talaptardy elemegen yqylassyz azamattar qala turǵyndarynyń basyn qaterge tigip jatyr. Bul týraly QazAqparat Nur-Sultan qalasy polıtsııa departamentiniń baspasóz qyzmetine silteme jasap habarlaıdy.

Taýarlar men kórsetiletin qyzmetterdiń sapasy men qaýipsizdigin baqylaý basqarmasy, ákimdik qyzmetkerleri, eriktiler jáne polıtseılerden qurylǵan mobıldik top reıdtik is-sharalardy kúsheıtilgen rejımde júrgizip jatyr.

Birqatar eskertý sharalary kórsetilgen qoldanystaǵy Qaýlyǵa qaramastan, keshe tekseris kezinde saǵat 23:50-de jumys kestesin saqtamaı, kelýshilerdi qabyldap jatqan «Arabıka» haýyzynda karantın rejımin buzý faktisi anyqtalǵan. Haýyz ıesi mobıldik toptyń ishke kirgizbeı, tekseris júrgizýine kedergi jasady.

Taǵy bir tártip buzýshylyq «Dýrango» dámhanasynda anyqtalǵan. Saǵat 22:17-de munda kelýshiler jumys kestesine qaramastan áli de otyrǵan edi. Dámhananyń ishinde sanıtarlyq normalar men áleýmettik qashyqtyq saqtamaı otyrǵan 50 azamat bolǵan. Mekeme ákimshisi dámhananyń saǵat keshki 20:00-den keıin nege jumys istep jatyr degen suraqqa saǵatqa qaramaǵanyn aıtyp aqtaldy.

Karantın rejımin buzýshylarǵa qatysty jınalǵan materıal QR Ákimshilik quqyqbuzýshylyqtar týraly kodeksiniń 425-baby boıynsha ákimshilik jaýapkershilikke tartý úshin Taýarlar men kórsetiletin qyzmetterdiń sapasy men qaýipsizdigin baqylaý basqarmasyna jiberildi.

Nur-Sultan qalasynyń polıtsııa departamenti mekeme ıeleri men kelýshilerdiń tarapynan selqos qaraý ınfektsııa juqtyrýdyń taralýyna ákeletinin eske salady. Karantın rejımin buzýshylar qoldanystaǵy zańnamaǵa sáıkes jaýapqa tartylady.


Joǵary qaraı