Aýa raıy
Astana 15 °S
Almaty 20 °S
valıýta baǵamy
USD 412.55
EUR 468.66
RUB 5.79
CNY 58.80

Nur-Sultanda koronavırýs statsıonary 87% toldy – Altaı Kólginov

2020 jyldyń 7 shilde 2020 15:28

NUR-SULTAN. QazAqparat – Elordada epıdemııalyq jaǵdaı ózgergen jaǵdaıda, qosymsha myńnan astam oryn ashylady. Bul týraly Nur-Sultan qalasynyń ákimi Altaı Kólginov málimdedi, dep habarlaıdy QazAqparat tilshisi.

Onyń aıtýynsha, kronavırýs karantıni bastalǵan ýaqytta elordada tek qana úsh statsıonar bolyp, myńǵa jýyq oryn bolsa, qazirgi ýaqytta 13 statsıonar nemese 3 700-den astam oryn bar. Onyń 87 paıyzy tolǵan.

«Vırýs juqtyrǵan júkti áıelderge arnaıy perınataldy ortalyq ashyldy. Respýblıkalyq ulttyq ǵylymı ortalyqta 240 oryn ashyldy. Onyń 40 orny – reanımatsııa. Kardıohırýrgııalyq ortalyqta 60-tan astam aýyr haldegi azamattarǵa jansaqtaý bólimin ashtyq. №1 aýrýhana tolyǵymen koronavırýs statsıonaryna aýystyryldy. Ondaǵy patsıentter basqa aýrýhanalarǵa jiberildi», - dedi qala ákimi Ortalyq kommýnıkatsııalar qyzmetinde ótken brıfıngide.

Sonymen birge, ákim «Ramada plaza» qonaq úıinde 500 oryn ashylǵanyn eske saldy.

«Onda tolyqqandy statsıonar jumys atqarýda. Onyń 60 paıyzynan astamy naýqastarmen toldy. Eger epıdemııalyq jaǵdaı ári qaraı ózgeretin bolsa, qosymsha myńnan astam oryn ashýǵa ázirmiz», - dedi Altaı Kólginov.

Aıta keteıik, Nur-Sultanda koronavırýs ınfektsııasyn juqtyrǵan azamattar sany 5 984-ke jetti, 61 adam qaıtys boldy.



Joǵary qaraı