Aýa raıy
Astana 31 °S
Almaty 34 °S
valıýta baǵamy
USD 412.55
EUR 468.66
RUB 5.79
CNY 58.80

Nur-Sultanda koronavırýstan 61 adam qaıtys boldy

2020 jyldyń 7 shilde 2020 15:17

NUR-SULTAN. QazAqparat – Nur-Sultan qalasynyń ákimi Altaı Kólginov elordadaǵy Covid-19 jaǵdaıy týraly esep berdi, dep habarlaıdy QazAqparat tilshisi.

«Qazirgi ýaqytta koronavırýs ınfektsııasyn juqtyrǵan azamattar sany 5 984-ke jetti. Olardyń 54 paıyzy nemese 3 248 adam jazylyp shyqty. Ókinishke qaraı, 61 adam qaıtys boldy», - dedi qala ákimi Ortalyq kommýnıkatsııalar qyzmetinde ótken brıfıngide.

Onyń aıtýynsha, qazirgi ýaqytta ınfektsııalyq jáne provızorlyq statsıonarlar sany kóbeıtilip jatyr.

«Prezıdent tapsyrmasyna sáıkes, statsıonarlardaǵy oryndar ulǵaıtyldy. Mysaly, KVI karantıni bastalǵan ýaqytta tek qana úsh statsıonar bolyp, myńǵa jýyq oryn bolsa, qazirgi ýaqytta biz statsıonarlar sanyn 13-ke kóbeıttik nemese 3 700-den astam oryn bar. Biraq onyń 87 paıyzy tolǵan. Onda dárigerler azamattardy emdep jatyr», - dedi Altaı Kólginov.


Joǵary qaraı