Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Nur-Sultanda Manas pen Shyńǵys Aıtmatovtyń, Bishkekte Abaıdyń eskertkishteri ashylady

2021 jyldyń 2 naýryz 2021 14:42

NUR-SULTAN. QazAqparat – Qazaqstan astanasy Nur-Sultanda Manas pen Shyńǵys Aıtmatovtyń, Bishkekte Abaı eskertkishteri ashylady. Bul týraly Qazaqstan men Qyrǵyztsan Prezıdentteriniń birlesken málimdemesinen belgili boldy.

Atalmysh qujatta qos halyqtyń mádenı-tarıhı jáne tildik ortaqtyǵyn eskerip, ǵylym, bilim berý, densaýlyq saqtaý, mádenıet, týrızm, sport jáne basqa da salalardaǵy yntymaqtastyqty odan ári damytýǵa beıildiligin rastaıtyndyǵy aıtylǵan. Osy oraıda taraptar birlesken bilim berý jáne ǵylymı-tehnıkalyq baǵdarlamalardy iske asyrýdy jalǵastyrýǵa nıetti ekendikterin aıtty.

Qazaqstan Respýblıkasy men Qyrǵyz Respýblıkasynyń Táýelsizdikteriniń 30 jyldyǵyn merekeleýge oraılastyrylǵan aldaǵy mereıtoı is-sharalarynyń mańyzdylyǵyn atap ótedi.

Sondaı-aq málimdemede taraptaryń birlesken televızııalyq jobalar, kórmeler, festıvalder jáne ózge de mádenı is-sharalar ótkizý turǵysynan járdem kórsetýge, ortaq tarıhı jáne mádenı murany saqtaý men ilgeriletý maqsatynda kúsh-jiger biriktirýge ázirligi sóz boldy.

«Jýyq arada Abaı Qunanbaevtyń Bishkekte, sondaı-aq, Manas pen Shyńǵys Aıtmatovtyń Nur-Sultanda eskertkishterin ornatý týraly ýaǵdalastyqtardyń erekshe mánge ıe ekenin aıryqsha belgilep ótedi.

Bul máselege qatysy Qazaqstan Prezıdenti Qasym-Jomart Toqaev jýrnalıstermen bolǵan baspasóz máslıhatynda: «Qazaqstan men Qyrǵyzstannyń mádenı kúnderin ótkizýge ýaǵdalastyq. Bishkekte Abaıǵa, Nur-Sultan qalasynda Manas pen Shyńǵys Aıtmatovqa arnalǵan eskertkishter boı kóteredi. Oǵan qosa biregeı tarıhı muralarymyzdy dáripteý úshin kúsh-jigerimizdi jumyldyratyn boldyq», – dedi.

Taraptar tabysty kelissózder men sapar barysynda qol qoıylǵan ekijaqty qujattar Qazaqstan Respýblıkasy men Qyrǵyz Respýblıkasy arasyndaǵy dostyq jáne odaqtastyq qatynastardy odan ári nyǵaıtýǵa yqpal etetinin, sondaı-aq, qol jetkizilgen ýaǵdalastyqtardy oıdaǵydaı iske asyrýǵa erekshe mán beredi»,-delingen habarlamada.


Joǵary qaraı