Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Nur-Sultanda taǵy bir saýda oıyn-saýyq ortalyǵynda vaktsınatsııa pýnkti ashyldy

2021 jyldyń 17 sáýir 2021 16:46

NUR-SULTAN. QazAqparat - Elorda ákimi Altaı Kólginov Instagram paraqshasynda «Han Shatyr» SOO-da qala turǵyndaryn KVI-ge qarsy vaktsınatsııalaý pýnkti ashylǵanyn málim etti.

Qalada barlyǵy 55 myńnan asa adam vaktsına aldy, dep habarlaıdy Nur-Sultan ákimdiginiń resmı saıty .

«Han Shatyr» saýda, oıyn-saýyq ortalyǵynda qala turǵyndaryna koronavırýsqa qarsy vaktsına salý pýnkti ashyldy. Osy demalys kúnderi testilik rejımde SOO ujymy vaktsına alady. Al dúısenbiden bastap (19 sáýir) azamattar da ekpe ala alady. Vaktsınatsııa pýnkti gıpermarkettiń janyndaǵy birinshi qabatta ornalasqan. SOO-da vaktsınatsııalaýǵa nıet bildirýshilerdi qabyldaý kestesi saǵat 10:00-den 22:00-ge deıin.

Buǵan deıin vaktsınatsııa pýnkti «Mega Silk Way» SOO-da iske qosyldy. Sondaı-aq «Keruen», «Abý-Dabı Plaza» saýda, oıyn-saýyq ortalyqtary daıyn. Qajet bolǵan jaǵdaıda qaladaǵy qonaqúıler de iske qosylady.

«Búgin emhanalarymyzda bolyp, egý pýnktteriniń jumysyn sapaly uıymdastyrý jóninde birqatar tapsyrmalar berdim. Alǵashqy medıtsınalyq-sanıtarlyq kómek uıymdarynda vaktsınalaý pýnktteriniń sany 36-dan 100-ge deıin artty. Jumys ýaqyty saǵat 8:00-den 24:00-ge deıin uzartyldy.





Sonymen qatar eńbek ujymdaryn vaktsınamen qamtý úshin kóshpeli medıtsınalyq brıgadalar quryldy. Qalada barlyǵy 55 myńnan astam adam vaktsına aldy.

Jappaı vaktsınatsııalaý arqyly ǵana ujymdyq ımmýnıtetti qalyptastyra alamyz. Bul ózińizdi jáne aınalańyzdaǵy adamdardy qorǵaýǵa, qalypty ómirge oralýǵa múmkindik beredi», — dep jazdy elorda ákimi.








Basty sózder: Vaktsına, Ákim, Koronavırýs, Nur-Sultan,
Joǵary qaraı