Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Nur-Sultanda jol-kólik oqıǵalary 47 paıyzǵa kóbeıdi – departament

2021 jyldyń 23 qyrkúıek 2021 13:54

NUR-SULTAN. QazAqparat – Elordalyq polıtsııa departamenti ákimshilik polıtsııa basqarmasynyń basshysy Eljan Shópekov jyl basynan beri tirkelgen kólik apattary týraly aıtyp berdi, dep habarlaıdy QazAqparat tilshisi.

«Bıylǵy 8 aıdyń qorytyndysy boıynsha jol-kólik apattary 2020 jyldyń sáıkes kezeńimen salystyrǵanda 47,9%-ǵa, jaraqat alǵandar 34,6%-ǵa, al qaza bolǵandar 5,6%-ǵa óskeni baıqalady. Alaıda, 2020 jylǵy pandemııa men TJ rejıminde kólik qozǵalysyn shekteý men halyqtyń ózin-ózi oqshaýlaý aıasynda apattyń da az bolǵanyn eskerip, 2018-2019 jyldardaǵy uqsas kezeńimen salystyrǵanda jol apattary men onda zardap shekkenderdiń tómendep kele jatqany baıqalady», - dedi Eljan Shópekov PD brıfınginde.

Onyń aıtýynsha, 100 myń turǵynǵa shaqqandaǵy qaza tapqandar sany boıynsha apattyń jalpy koeffıtsıenti 1,7-ni quraıdy.

«Taldaýǵa sáıkes, júrgizýshiler kinásinen 76 oqıǵa, onyń ishinde mas kúıinde kólik júrgizý kesirinen 12 jol apaty bolǵan. Kólik sanattary boıynsha jeńil kólikpen – 236 oqıǵa, júk kóligimen – 11, avtobýstardyń – 6 oqıǵasy tirkelgen. JKO sebepteri boıynsha: manevr jasaý erejelerin buzý – 50, qıylystan ótý erejelerin buzý – 49, qashyqtyq pen qaptal aralyǵyn buzý – 47, rettelmeıtin jaıaý júrginshiler ótkelinen ótý – 39 jáne retteletin jaıaý júrginshiler ótkeli boıynsha – 27 oqıǵa oryn alǵan», - deıdi spıker.

Jaıaý júrginshiler kinásinen 87 oqıǵa tirkelgen, onyń ishinde 76 adam jaıaý júrginshiniń belgilenbegen jerden ótse, 8 adam baǵdarshamnyń tyıym salatyn belgisine qaramastan jolǵa shyqqan. Tıisinshe jol apattarynyń 24%-y jaıaý júrginshilerdiń úlesine tıesili. Velosıpedshiler kinásinen 6 jol-kólik apaty bolǵan.


Avtor Aıjan Serikjanqyzy
Basty sózder: Nur-Sultan, Qoǵam,
Joǵary qaraı