Aýa raıy
Astana 0 °S
Almaty 5 °S
valıýta baǵamy
USD 389.98
EUR 434.01
RUB 6.10
CNY 55.04

Nur-Sultandaǵy damytý ortalyǵynda 10 bala ýlanyp qaldy

2019 jyldyń 18 qyrkúıek 2019 16:36

NUR-SULTAN. QazAqparat – Nur-Sultandyq damytý ortalyǵynda 10 bala tamaqtan ýlanyp qaldy. Oqıǵanyń bolǵanyn Nur-Sultan qalalyq bilim basqarmasynyń basshysy Ánýar Janǵozın rastady, dep habarlaıdy QazAqparat tilshisi.

Elorda ákimdiginiń baspasóz ortalyǵynda ótken brıfıngte tilshilerdiń suraǵyna jaýap bere kele Ánýar Janǵozın qalalyq damytý ortalyǵynda birneshe balanyń ýlanǵanyn rastady.

«Balalardyń ýlanýy boıynsha aıta keteıin. Biz buıryq shyǵardyq, tıisti komıssııa quryldy. Tekserý júrgizip jatyrmyz. Jumysqa qoǵamdyq densaýlyq saqtaý departamentiniń de ókilderin tarttyq. Qorytyndy boıynsha tıisti sharalar qabyldanady. Jekemenshik mektepke deıingi uıymdar jeke kásipkerlik kodeksi boıynsha jumys júrgizedi. Eger naqty eskertý beretindeı kemshilikti anyqtasaq, ary qaraı tıisti shara qabyldaımyz. Bul jerde áńgime 8-10 balanyń ýlanýynda bolyp otyr», - dedi Ánýar Janǵozın.

Balalardyń naqty neden ýlanǵany belgisiz. Bilim basqarmasy basshysynyń aıtýynsha, onyń bárin komıssııa anyqtaıdy.


Avtor Aıan Bekenuly
Basty sózder: Nur-Sultan, Bilim, Oqıǵa,
Joǵary qaraı