Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Nur-Sultandy gazben qamtý jumystary qalaı júrip jatyr

2021 jyldyń 24 qańtar 2021 09:07

NUR-SULTAN. QazAqparat - Nur-Sultan qalasynyń ákimi Instagram paraqshasynda qalany gazdandyrý jumysy qalaı júrgizilip jatqanyn málim etti, dep habarlaıdy QazAqparat elorda ákimdiginiń resmı saıtyna silteme jasap.

«Qalany gazdandyrý 3 kezeńnen turady. Qazir Kóktal-2 eldi mekeni turǵyndarynyń úılerin kógildir otynǵa qosý jáne jumystardy qabyldaý júrip jatyr. Buǵan deıin osy eldi-mekende ishki jelilerge gaz berildi. Sonymen birge, gaz Jeleznodorojnyı eldi mekenine de berilip, qarasha aıynda ortalyqtandyrylǵan gazben jabdyqtaldy. Jalpy, qala ishine 300 shaqyrymnan astam gaz qubyrlary tartyldy», - deıdi ákim.





Onyń aıtýynsha, 800 úı tehnıkalyq sharttarǵa sáıkestik qujatyna qol jetkizip, 5 myńnan astam adam front-ofısterde keńes aldy. Turǵyndarǵa aqysyz beriletin eseptegishter qarastyrylǵan.

«Elordany gazdandyrý - Tuńǵysh Prezıdent - Elbasy Nursultan Nazarbaevtyń tarıhı jobasy. Qalany gazdandyrý protsesi Memleket basshysy Qasym-Jomart Toqaevtyń erekshe baqylaýynda. Elordany gazdandyrý zııandy qaldyqtardy tómendetýge múmkindik beredi. Qalanyń ekologııasy jaqsarady, al bul - turǵyndardyń densaýlyǵyna jaǵymdy áser etedi», - dep jazdy Altaı Kólginov.








Basty sózder: Nur-Sultan, Gaz, Energetıka,
Joǵary qaraı