Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Nurdildá Oraz: TJ rejımi aıaqtalǵanymen keı óńirlerde blok beketter  alynbaıdy

2022 jyldyń 24 qańtar 2022 11:31

NUR-SULTAN. QazAqparat – QR Іshki ister mınıstrliginiń resmı ókili Nurdildá Oraz elde Tótenshe jaǵdaı rejımi aıaqtalǵanymen birqatar óńirde blok beketter saqtalatynyn aıtty, dep habarlaıdy QazAqparat tilshisi.

Bul týraly ol mınıstrliktiń aqparat alańynda ótken brıfıngide málim etti.

«Іshki ister mınıstrligi quqyq qorǵaý jáne arnaıy organdarmen birlesip jaǵdaıdy odan ári turaqtandyrý boıynsha jumys júrgizýde. Osy jyldyń 19 qańtarynan bastap Tótenshe jańdaı rejıminiń kúshi joıylýyna baılanysty elimizdiń barlyq óńirlerinde «Quqyqtyq tártip» jedel aldyn alý is-sharasy ótkizilýde. Bul rette jeke quram erekshe rejım jaǵdaıynda qoǵamdyq tártipti qadaǵalaýyn jaalǵastyrady. Jekelegen óńirlerde jedel jaǵdaılardy eskere otyryp, tyıym salynǵan zattardy tasymaldaý turǵysynan avtokólikti tekserý boıynsha blok beketterdiń ne bolmasa shep beketteriniń jumysy jalǵastyrylady», - dedi Nurdildá Oraz.

Sondaı-aq, ol sherýdiń sońyn tártipsizdikke ulastyrǵandardy ustap, qarý-jaraq jasyrylýy yqtımal oryndardy anyqtaý úshin ıesiz úıler men saıajaılar, jaldamaly páterler tekserilip jatqanyn eskertti.

«Terraktilerge qatysýshylar men qarýlardyń ornalasqan jerin anyqtaý boıynsha jaldamaly páterler, ıesiz úıler, saıajaı qurylystary jáne ózge de obektiler tekserilýde. Beınebaqylaý kameralary arqyly, sondaı-aq azamattardan kelip túsetin materıaldardy eskere otyryp, bótenniń múlkin joıýǵa ne búldirýge qatysy bar kúdiktilerdi anyqtaý boıynsha is-sharlar júrgizilýde», - dedi mınıstrliktiń resmı ókili.


Joǵary qaraı