Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Nurlan Ábdirov QR Ortalyq saılaý komıssııasynyń tóraǵasy boldy

2022 jyldyń 25 qańtar 2022 12:10

NUR-SULTAN. QazAqparat - QR Prezıdenti Qasym-Jomart Toqaevtyń Jarlyǵymen Nurlan Májıtuly Ábdirov QR Ortalyq saılaý komıssııasynyń Tóraǵasy laýazymyna taǵaıyndaldy. QazAqparat bul týraly Aqordaǵa silteme jasap habarlaıdy.

Aıta keteıik, Q.Toqaevtyń taǵy bir Jarlyǵymen Nurlan Ábdirovtiń Senat depýtaty retindegi ókilettigi toqtatyldy.

Berik Imashev QR Ortalyq saılaý komıssııasy tóraǵasy qyzmetinen bosatylǵanyn buǵan deıin habarlaǵan bolatynbyz.

N.Ábdirov 1961 jylǵy 12 qańtarda týǵan.

KSRO ІІM Qaraǵandy joǵary mektebin, KSRO ІІM Búkilodaqtyq ǵylymı-zertteý ınstıtýtynyń kúndizgi adıýnktýrasyn (Máskeý q.), Dj.Marshall atyndaǵy Qaýipsizdik máselelerin zerdeleý jónindegi Eýropalyq ortalyqta basshylyq quramnyń 4 aılyq kýrstaryn (Germanııa) bitirgen. Zańger-quqyqtanýshy. Zań ǵylymdarynyń doktory, professor.

1982 jyldyń qyrkúıeginen 1997 jyldyń maýsymyna deıin ІІM Qaraǵandy joǵary mektebinde oqytýshylyq qyzmet atqardy.

1997 jylǵy maýsymnan 2000 jylǵy mamyrǵa deıin — Qazaqstan Respýblıkasynyń Esirtkini baqylaý jónindegi memlekettik komıssııasynyń hatshysy.

2000 jylǵy mamyrdan 2002 jylǵy qyrkúıekke deıin — QR Nashaqorlyqqa jáne esirtki bıznesine qarsy kúres agenttigi tóraǵasynyń orynbasary, QR Ádilet mınıstrliginiń Nashaqorlyqqa jáne esirtki bıznesine qarsy kúres komıteti tóraǵasynyń orynbasary.

2002 jylǵy qyrkúıekten 2005 jylǵy maýsymǵa deıin — Qaýipsizdik keńesi Hatshylyǵynyń memlekettik ınspektory, Qaýipsizdik keńesi Hatshylyǵy Qoǵamdyq jáne ekologııalyq qaýipsizdik bóliminiń meńgerýshisi, QR Qaýipsizdik keńesi Hatshylyǵy meńgerýshisiniń orynbasary.

2005 jylǵy maýsymnan 2009 jylǵy qyrkúıekke deıin — QR Qaýipsizdik keńesi Hatshysynyń orynbasary – Qaýipsizdik keńesi Hatshylyǵynyń meńgerýshisi.

2009 jylǵy qyrkúıekten 2020 jylǵy tamyzǵa deıin — Qazaqstan Respýblıkasy Parlamenti Májilisiniń tórtinshi, besinshi, altynshy saılanymdarynyń depýtaty, Zańnama jáne sot-quqyqtyq reforma komıtetiniń tóraǵasy.

2020 jylǵy tamyzda QR Prezıdentiniń Jarlyǵymen Parlament Senatynyń depýtaty bolyp taǵaıyndaldy.

2020 jylǵy qyrkúıekte Qazaqstan Respýblıkasy Parlamenti Senaty Tóraǵasynyń orynbasary bolyp saılandy.

«Parasat», «Qurmet» ordenderimen, TMD PAA-nyń «Sodrýjestvo» ordenimen, medaldarmen marapattalǵan.


Joǵary qaraı