Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Nurlan Aqúrpekov: Ábilhan ıyǵy men qolyndaǵy jaraqatynan erkin qımyldaı almady

2021 jyldyń 1 tamyz 2021 16:25

NUR-SULTAN. QazAqparat - Bokstan Qazaqstan komandasynyń múshesi Ábilhan Amanquldyń jeke bapkeri Nurlan Aqúrpekov búgingi jeńilisten soń shaǵyn suhbat berip, jankúıerlerden keshirim surady dep jazady Olympic.kz.

«Aqtalǵym kelmeıdi. Jankúıerlerden basymdy ıip keshirim suraımyn. Úmitti aqtamadyq. Biz úshin qıyn jaǵdaı. Ábilhanǵa búgin psıhologııalyq turǵydan qıyn boldy. Óıtkeni, burynnan ıyǵynda jaraqaty baryn bilesizder. Birneshe ret ota jasattyq. Sońǵy otadan keıin bir jarym jyl boıy úzilis alý kerek edi. Biraq biz Olımpıada ýaqyty jaqyndap qalǵan soń, aıtarlyqtaı kútim jasamadyq.

Sol jaraqat Tokıo tórinde taǵy da syr berdi. Odan qalsa, ózbekstandyq boksshymen ótken jekpe-jekten soń oń judyryǵyn jaraqttap aldy. Qoly da aýyryp tur. Iyǵy men qolyndaǵy jaraqaty onyń keńinen kósilýine múmkindik bermedi.

«Qalaı uramyn, qalaı jumys isteımin» degen suraqtar sanasyn jaýlap aldy da, psıhologııalyq jaǵynan aýyrtpalyq týyndady. Jeńilistiń sebebi osy dep oılaımyn. Onyń ústine, qarsylas ta osal emes. Ol da óte saýatty qorǵana bildi, jaqsy jekpe-jek ótkizdi. Endi Ábilhan biraz demalady. Ol kásibı boksqa barsa da, aldynan osy jaraqat shyǵady. Sondyqtan, tolyq emdelýi kerek. Bıylǵy Qazaqstan birinshiligine de qatyspaıdy», - deıdi bapker.

Aıta ketelik, Ábilhan Amanqul 75 keli salmaqtaǵy shırek fınaldyq básekede brazılııalyq Ebert Konseısan Soýzadan 2:3 esebimen utyldy.

FOTO: Jeńis Ysqabaı, Qazaqstan UOK


Basty sózder: Olımpıada, Boks, Sport,
Joǵary qaraı