Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Nurlan Noǵaev: Eńbek daýlary zań sheńberinde konstrýktıvti dıalog arqyly sheshilýi tıis

2021 jyldyń 8 qyrkúıek 2021 20:02

AQTAÝ. QazAqparat - Búgin Mańǵystaý oblysynyń ákimi Nurlan Noǵaev apparattyq jıyn ótkizdi, dep habarlady QazAqparat tilshisi.

Aımaq basshysy eńbek daýlary zań sheńberinde konstrýktıvti dıalog arqyly sheshilýi tıis ekenin aıtty.

Oblys ákimdigine qarasty qurylymdyq jáne aýmaqtyq bólimshelerdiń basshylary jınalǵan keńeste Nurlan Noǵaev jınalǵandardyń nazaryn Prezıdent Joldaýynda kórsetilgen tapsyrmalardy múltiksiz oryndaý qajettigine aýdardy.

Atap aıtqanda, oblys ákimi qys mezgiline jem-shóp qoryn daıyndaý, jylytý maýsymyna daıyndyqty, sondaı-aq halyqty aýyz sýmen úzdiksiz qamtamasyz etýge baǵyttalǵan jobalardy iske asyrýǵa baqylaýdy kúsheıtý kerektigin atap ótti.

Sondaı-aq basqosýda óńirdegi epıdemıologııalyq jaǵdaı talqylandy.

Nurlan Noǵaev osy baǵyttardyń barlyǵyn Mańǵystaý oblysynyń keshendi damý josparyna engizýdi tapsyrdy.

Halyqtyń memlekettik organdarǵa degen senimin qalyptastyratyn negizgi faktorlardyń biri - «Halyq únine qulaq asatyn memleket» tujyrymdamasynda kórsetilgen sharalardy júzege asyrý bolyp tabylady», - dep atap ótti oblys ákimi.

Memlekettik qyzmetshiler óńir turǵyndary úshin barynsha ashyq bolýǵa tıis.

Jaqyn arada ákimdik pen turǵyndar arasynda ózara baılanysyn kúsheıtýge arnalǵan birqatar sharalar qabyldanady.

Sondaı-aq, Nurlan Noǵaev eńbek daýlary máselesin qozǵady.

«Jumysshy men jumys berýshiniń arasyndaǵy barlyq eńbek daýlary zań aıasynda konstrýktıvti dıalog arqyly sheshilýi tıis»- dedi ákim.

Apparattyq jıyn qorytyndysy boıynsha jaýapty tulǵalarǵa birqatar naqty tapsyrmalar berildi.


Joǵary qaraı