Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Nurlan Noǵaev: Mańǵystaýdaǵy ózekti máseleler júıeli túrde sheshilýi tıis

2021 jyldyń 19 qyrkúıek 2021 05:21

AQTAÝ. QazAqparat - Mańǵystaý óńiriniń basshysy Nurlan Noǵaevtyń tóraǵalyǵymen Kásipkerler palatasy óńirlik keńesiniń otyrysy ótti, dep habarlaıdy QazAqparat tilshisi.

Mańǵystaý oblysy ákiminiń baspasóz qyzmetiniń málimetinshe, kezdesýde kásipkerler palatasynyń iskerlik ortasyn jaqsartý, básekege qabilettiligin arttyrý máseleleri qaralǵan.

Keńes otyrysyna Mańǵystaý oblysy Kásipkerler palatasynyń óńirlik keńesiniń tóraǵasy Edil Jańbyrshın, Májilis depýtaty Samat Musabaev, óńirlik keńestiń, quqyq qorǵaý jáne jergilikti atqarýshy organdardyń ókilderi qatysty.

Búginde oblysta 54 myń shaǵyn jáne orta kásipkerlik sýbektileri tirkelgen, al jumyspen qamtylǵan halyq sany 116 876 adam.

Jyl basynan beri óńir ekonomıkasyna 291,4 mlrd teńge ınvestıtsııa tartyldy, onyń 50% - dan astamy shaǵyn jáne orta bızneske tıesili.

Eldegi oryn alǵan pandemııanyń kúrdeli jaǵdaıyna qaramastan Úkimet qabyldaǵan tıimdi is-sharalardyń arqasynda oblystyń áleýmettik-ekonomıkalyq damýynda oń ózgerister baıqalady.

Kezdesý barysynda kásipkerler sheshýdi qajet etetin birqatar máseleni ortaǵa saldy. Bıznes pen memlekettik organdar arasyndaǵy ózara baılanys, aýyl sharýashylyǵy, iskerlik ortany jaqsartý jáne ákimshilik tarapynan týyndaıtyn kedergini joıý máselesi talqylandy. Jıyn sońynda kóterilgen máseleler boıynsha Nurlan Noǵaev birqatar jaýapty tulǵaǵa naqty tapsyrmalar júktedi. Sondaı-aq, kásipkerlerdiń ótinishi boıynsha bıznes sýbektileriniń «bir tereze» qaǵıdatyn ońtaılandyrý maqsatynda Mańǵystaý oblysynyń kásipkerlik jáne saýda basqarmasyn «Atameken» ÓKP ǵımaratyna kóshirý týraly sheshim qabyldandy.

« Men sizderdiń belsendilikterińiz úshin alǵys aıtqym keledi. Bárimiz birlesip óńirdegi bıznes ortany damytýǵa oń serpin bere alatynymyzǵa senimdimin. Jergilikti atqarýshy organnyń ózekti máselelerdi sheshýge arnalǵan jospary bar. Alǵashqy apparattyq jıynda turǵyndardy aýyz sýmen úzdiksiz qamtamasyz etý, qys mezgiline sharýalarǵa jem-shóp bazasyn daıyndaý, jylytý maýsymyna daıyndyq máseleleri men óńirdiń epıdemıologııalyq ahýaly kóterildi. Bizde «Qazaqstan temir joly» jáne jem óndirýshilermen kelisim shar jasaqtalǵan. Aýyz sýmen qamtamasyz etý jaǵdaıyn jaqsartý jáne basqa da máseleler boıynsha usynys bar. Meniń oıymsha, árbir másele júıeli túrde sheshilýi tıis, biz «órt sóndirýmen» aınalyspaýymyz kerek, - dep qorytyndylady Nurlan Noǵaev.
Avtor Qarakóz Marat
Basty sózder: Mańǵystaý oblysy, Ákim,
Joǵary qaraı