Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Nurlan Nyǵmatýlın BAQ ókilderiniń Májilistegi is-sharalarǵa qatysýyna qatysty pikir bildirdi

2021 jyldyń 20 qazan 2021 10:24

NUR-SULTAN. QazAqparat – Parlament Májilisiniń tóraǵasy Nurlan Nyǵmatýlın BAQ ókilderi offlaın formatta palatadaǵy is-sharalarǵa qatysýyna baılanysty pikir bildirdi, dep habarlaıdy QazAqparat tilgisi.

Májilis tóraǵasy koronavırýs indetine baılanysty shekteýler engizilgendikten, jýrnalıster qalypty rejımde jumys isteı almaǵanyn eske saldy.

«Barshańyz jaqsy bilesizder, indetke baılanysty sońǵy bir jarym jyl ishinde aqparat ókilderi Parlamenttiń, Úkimettiń de eshqandaı sharalaryna qatysa almady. Sondyqtan búgingi otyrysymyzdyń bir ereksheligi – ol osy bir jarym jyl ishinde jýrnalıster birinshi ret kelip otyr. Árıne, bul jaqsy jaǵdaı, sebebi biz úshin de, BAQ ókilderi úshin de offlaın jumys óte qajet ári mańyzdy», - dedi N. Nyǵmatýlın Májilistiń jalpy otyrysynda.

Ol ótken bir jarym jyl ishinde Májilistegi is-sharalar onlaın rejımde kórsetilgenin atap ótti.

«Jalpy otyrystan keıin jýrnalısterdiń zań jobalary boıynsha depýtattarǵa, mınıstrlerlerge, memlekettik organdar basshylaryna suraq qoıý tájirıbesin jalǵastyramyz», - dedi Májilis tóraǵasy.


Avtor Rýslan Ǵabbasov
Basty sózder: Parlament, BAQ,
Joǵary qaraı