Aýa raıy
Astana -2 °S
Almaty 4 °S
valıýta baǵamy
USD 389.98
EUR 434.01
RUB 6.10
CNY 55.04

Nurlan Nyǵmatýlın Qatardan kelgen áriptesimen yntymaqtastyq jaıyn talqylady

2019 jyldyń 22 qyrkúıek 2019 17:30

NUR-SULTAN. QazAqparat – Májilis spıkeri Nurlan Nyǵmatýlın Eýrazııa elderi Parlamentteri spıkerleriniń 4-keńesi qarsańynda Qatar Konsýltatıvıik keńesiniń tóraǵasy Ahmad ben Abdalla ben Zaıd Al Mahmýd bastaǵan delegatsııamen kezdesti. Bul týraly QazAqparat Májilistiń baspasóz qyzmetine silteme jasap habarlaıdy.

N. Nyǵmatýlın mártebeli meımanǵa rızashylyq bildire kelip, bul forým Eýropa men Azııa memleketteriniń parlamentteri arasynda jan-jaqty dıalog ornatýǵa, ózara senimdi kúsheıtýge, parlamentaralyq yntymaqtastyqty odan ári tereńdetýge jol ashatynyna senim bildirdi.

Taraptar ekijaqty qatynasty nyǵaıtýda parlamentaralyq áriptestiktiń mańyzyna kóńil bóldi. Elderimiz Parlamentterinde jumys isteıtin dostyq toptar jáne beıindi komıtetter arasynda zań shyǵarý boıynsha jan-jaqty tájirıbe almasýǵa kelisti.

Aıta keteıik, qazirgi tańda Qazaqstan 2050-shi jylǵa deıin eń damyǵan 30 eldiń qataryna kirý baǵytynda, al atalǵan el «Qatar vıjın 2030» strategııasyn júzege asyrý jolynda belsendi jumys atqaryp keledi.

Ahmad ben Abdalla ben Zaıd Al Mahmýd myrza arnaıy shaqyrý úshin alǵysyn jetkizdi.


Joǵary qaraı