Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Nurlan Nyǵmatýlın Qazaqstannyń TúrkPA-ǵa tóraǵalyǵynyń basymdyqtaryn atady

2021 jyldyń 28 qyrkúıek 2021 15:49

NUR-SULTAN. QazAqparat - Májilis Tóraǵasy Nurlan Nyǵmatýlın Túrkistan qalasynda ótip jatqan Túrkitildes elder Parlamenttik Assambleıasynyń X plenarlyq otyrysynda Qazaqstannyń TúrkPA-ǵa tóraǵalyǵynyń negizgi baǵyttaryna nazar aýdardy. Bul týraly QazAqparat tómengi palatanyń baspasóz qyzmetine silteme jasap habarlaıdy.

Sessııa jumysyna TúrkPA-ǵa múshe elderdiń Ázerbaıjan, Qazaqstan, Qyrǵyzstan jáne Túrkııanyń, sondaı-aq qonaq retinde Ózbekstannyń jáne baqylaýshysy mártebesimen Majarstannyń parlamenttik delegatsııalary, Túrki yntymaqtastyǵy uıymdarynyń, baqylaýshy uıymdardyń jáne basqa da mekemelerdiń basshylary men ókilderi qatysty.

Nurlan Nyǵmatýlın, Assambleıa qyzmetiniń aldaǵy negizgi baǵyttary eń aldymen, Túrki áleminiń uzaq merzimdi maqsattaryn iske asyrýǵa serpin beretin «Túrki keleshegi – 2040» strategııalyq qujatyn ázirleý ekenin aıtty.

- Biz Keńeste TúrkPA-nyń Modeldik zańdar týraly erejesin qabyldadyq. Sonymen birge TúrkPA zań jobalaý qyzmetiniń 2022-2027 jyldarǵa arnalǵan baǵdarlamasyn ázirleıtin bolamyz.

Jańa tsıfrlyq tehnologııalardyń damýy aqparattyq qaýipsizdikti qamtamasyz etýge kóńil bólýdi qajet etedi. Sondyqtan, biz «Kıberqaýipsizdik týraly» modeldik zań qabyldaýdy usynamyz, - dedi Palata spıkeri.




Nurlan Nyǵmatýlınniń aıtýynsha, taǵy bir negizgi baǵyt – ol halyqaralyq qatynas.

Sonymen qatar, otyrys barysynda qaýipsizdik jaǵdaıyna erekshe nazar aýdaryldy. Bul baǵytta, ásirese, Aýǵanstandaǵy qazirgi jaǵdaı alańdatyp otyr. Qazirgi ýaqytta Birikken Ulttar Uıymynyń Aýǵanstanǵa kómek kórsetý mıssııasynyń qyzmetkerleri ýaqytsha Almatyǵa kóshirildi.

Osyǵan oraı, Májilis Tóraǵasy búgingi kúni atalǵan eldiń gýmanıtarlyq daǵdarys aldynda turǵanyn atap ótti.

- Biz Birikken Ulttar Uıymy aıasynda Almatyda halyqaralyq gýmanıtarlyq - logıstıkalyq hab qurýdy usynamyz. Taǵy bir másele, TúrkPA-ǵa qatysýshy memleketter aıasyn keńeıtý, - dedi ol.

Sondaı-aq, Májilis Tóraǵasy mereıtoılyq otyrysqa Ózbekstan Parlamentiniń ókilderi de qatysyp otyrǵanyna qýanyshty ekenin jetkizip, qazirgi ýaqytta túrikmen áriptestermen de parlamentaralyq baılanystyń nyǵaıyp kele jatqanyn atap ótti.

Nurlan Nyǵmatýlın Túrki áleminiń birligi bizdiń elderimiz arasyndaǵymádenı-gýmanıtarlyq yntymaqtastyqty nyǵaıtýmen tikeleı baılanysty ekenine nazar aýdaryp, tóraǵalyq barysynda mádenıet, ǵylym jáne bilimsalasyndaǵy qatynastardy odan ári nyǵaıtýǵa erekshe kóńil bóletinine toqtaldy.




Májilis Tóraǵasy otyrys barysynda Qazaqstannyń Tuńǵysh Prezıdenti, Elbasy Nursultan Nazarbaevtyń bastamasymen bıyl «Túrkistan» telearnasy ashylǵanyn, az ǵana ýaqyttyń ishinde bul telearna zamanǵa saı úzdik tehnıkalarmen qamtamasyz etilip, joǵary kásibı mamandarmen tolyqqanyn aıtty.

- Túrkistan búkil Túrki áleminiń «rýhanı Astanasy» bolǵandyqtan,atalǵan telekanaldy jalpy Túrki memleketterine ortaq arna jasaýdy usynamyn, - dedi Nurlan Nyǵmatýlın.

Májilis Tóraǵasynyń pikirinshe, ol elderimizdiń áleýmettik-ekonomıkalyq, saıası damý jolyn jáne parlamentter qyzmetin jan-jaqty nasıhattap, búkil Túrki elderine qajetti aqparattyq orta qalyptastyrýǵa úles qosatyn bolady.


Basty sózder: Túrki elderi, Parlament,
Joǵary qaraı