Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Nurlan Nyǵmatýlın: Tuńǵysh Prezıdent – parlamentarızmniń qazaqstandyq modeliniń negizin qalaýshy jáne avtory

2021 jyldyń 22 qarasha 2021 11:52

NUR-SULTAN. QazAqparat - Májilis Tóraǵasy Nurlan Nyǵmatýlın Tuńǵysh Prezıdent kúnine arnalǵan «Elbasy. Táýelsizdik. Parlament» atty halyqaralyq konferentsııada sóz sóılep, Qazaqstannyń Tuńǵysh Prezıdenti-Elbasy Nursultan Nazarbaevtyń strategııasynyń arqasynda Qazaqstan aıtarlyqtaı nátıjelerge qol jetkizgenin atap ótti, dep habarlaıdy QazAqparat.

NUR-SULTAN. QazAqparat - Májilis Tóraǵasy Nurlan Nyǵmatýlın Tuńǵysh Prezıdent kúnine arnalǵan «Elbasy.Táýelsizdik.Parlament» atty halyqaralyq konferentsııada sóz sóılep, Qazaqstannyń Tuńǵysh Prezıdenti-Elbasy Nursultan Nazarbaevtyń strategııasynyń nátıjesinde Qazaqstan aıtarlyqtaı jetistikterge qol jetkizgenin atap ótti, dep habarlaıdy QazAqparat.

QR Tuńǵysh Prezıdenti kúnine arnalǵan konferentsııa bıyl elimiz Táýelsizdiginiń 30 jyldyǵy aıasynda ótýde.

Parlament Májilisi jyl saıyn dástúrli túrde Tuńǵysh Prezıdent kúnine oraı uıymdastyratyn forýmǵa Ázerbaıjan, Túrkııa, Ózbekstan, Reseı, Slovakııa parlamentteriniń basshylary, Eýropalyq Parlament, TúrkPA parlament ókilderi, Májilis jáne Senat depýtattary, memlekettik organdardyń, halyqaralyq jáne úkimettik emes uıymdardyń ókilderi men sarapshylar qaýymdastyǵy qatysty.

Konferentsııany alǵysózben ashqan Májilis Tóraǵasy bıyl táýelsiz Qazaqstannyń qurylǵanyna 30 jyl tolatynyn, bul halyq úshin taǵy bir tarıhı beles ekenin, elimiz baǵyndyrǵan árbir jeńis, tikeleı Elbasynyń atymen baılanysty ekenin atap ótti.

Sonymen qatar, palata Spıkeri Tuńǵysh Prezıdentimizdiń «aldymen ekonomıka, odan keıin saıasat», – degen ustanymynyń arqasynda elimiz qıyndyqtardy jeńip, osy kezeńde qos palataly kásibı Parlament Elbasynyń jáne Prezıdenttiń zańnamalyq tiregi bolǵanyn aıtty.





Bıyl el táýelsizdiginiń 30 jyldyǵymen qatar, Qazaqstan Parlamentiniń qurylǵanyna da 25 jyl toldy. Parlament osy jyldyń ishinde, Elbasymyz Nursultan Ábishuly Nazarbaevtyń mańyzdy bastamalaryn zań deńgeıinde qoldap, barlyq reformalardy qajetti, sapaly zańdarmen qamtamasyz etti. Bul jumys qazirgi ýaqytta Memleket Basshysy Qasym-Jomart Toqaevtyń alǵa qoıǵan mindetterin oryndaý maqsatynda tıimdi jalǵasyp keledi. Búginde Parlamentten shyqqan árbir qujat halqymyzdyń, elimizdiń ekonomıkalyq, áleýmettik, saıası, mádenı damýynyń zańnamalyq tiregine aınaldy deýge bolady, - dedi Májilis Tóraǵasy.

Nurlan Nyǵmatýlın búginde Konstıtýtsııalyq reforma nátıjesinde Parlamenttiń ókilettigi kúsheıtilgenin atap ótip, ótken jyly Memleket basshysynyń bastamasymen Parlamenttik oppozıtsııa ınstıtýty engizilip, saıası básekelestikti kúsheıtý úshin «Saıası partııalar týraly»,«Saılaý týraly», «Parlament jáne onyń depýtattarynyń mártebesi týraly» zańdarǵa tıisti ózgerister engizilgenin atap ótti.

Osynyń barlyǵy zań shyǵarý qyzmetine jańa serpin berip, kásibı Parlamenttiń bedelin arttyrdy. Qazirgi ýaqytta bizdiń zań shyǵarýshy organ barlyq áriptes memleketterdiń parlamentterimen tyǵyz qarym-qatynas ornatyp, halyqaralyq uıymdarmen turaqty baılanys jasap keledi, - dedi palata Tóraǵasy.




Nurlan Nyǵmatýlın Parlament halyqaralyq qoǵamdastyqta erekshe orny bar barlyq halyqaralyq jáne óńirlik parlamenttik qurylymdardyń belsendi qatysýshysy ekenin alǵa tartyp, qazaqstandyq depýtattar delegatsııasy Parlamentaralyq odaq, TMD PAA, EQYU jáne Eýropa Keńesi Parlamenttik assambleıalary, UQShU jáne NATO, Islam Yntymaqtastyǵy Uıymynyń Parlamenttik odaǵy, Azııa Parlamenttik Assambleıasy, TúrkPA sııaqty beldi halyqaralyq uıymdar qyzmetine belsendi qatysatynyna toqtaldy.

Otyrysta Májilis Tóraǵasy búginde Memleket basshysy Qasym-Jomart Kemeluly Toqaev Elbasynyń baǵytyn jalǵastyra otyryp, saıası reformalaryn iske asyryp, Qazaqstan qoǵamy ómiriniń barlyq salalaryn jańǵyrtý úshin birqatar mańyzdy bastamalar usynyp otyrǵanyn aıtty.


Joǵary qaraı