Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Nurlan Nyǵmatýlın UQShU Parlamenttik Assambleıasynda sóz sóıledi

2021 jyldyń 29 qarasha 2021 16:40

NUR-SULTAN. QazAqparat - Májilis tóraǵasy Nurlan Nyǵmatýlın Ujymdyq qaýipsizdik týraly shart uıymy Parlamenttik Assambleıasynyń otyrysynda sóz sóılep, UQShU Parlamenttik Assambleıasy álemde bolyp jatqan oqıǵalarǵa baılanysty da óz damýynyń jańa kezeńine aıaq basqanyn atap ótti, dep habarlaıdy QazAqparat.

Beınekonferentsııa formatynda ótken jıynda sóz sóılegen Nurlan Nyǵmatýlın qazirgi tańda UQShU jýyrdaǵy Dýshanbe Sammıtiniń qorytyndylaryn eskere otyryp, Ujymdyq qaýipsizdik júıesiniń qyzmetin normatıvtik quqyqtyq qamtamasyz etý boıynsha jańa mindetter turǵanyna nazar aýdardy.

Osyǵan baılanysty Májilis tóraǵasy Qazaqstan Prezıdenti Qasym-Jomart Toqaevtyń UQShU Bas hatshysynyń bitimgershilik máseleleri jónindegi arnaıy ókili laýazymyn taǵaıyndaý týraly bastamasynyń ózektiligin atap ótti.

Nurlan Nyǵmatýlın «Bitimgershilik qyzmet jáne bitimgershilik kúshter týraly» modeldik zańdy qabyldaý uıymnyń bitimgershilik áleýetin odan ári damytýdyń mańyzdy qadamy ekenin atap ótti.

Jalpy, UQShU Parlamenttik Assambleıasynyń modeldik zańdary men usynymdaryn ázirleý kezinde pragmatıkalyq kózqarasty ustanýdyń mańyzy zor ekenine mán berdi.

- Bizdiń memleketterimizdiń basshylary UQShU Ujymdyq Qaýipsizdik Keńesiniń otyrystarynda naqty sheshimder qabyldaǵan kezde, sizder men bizdiń mindetimiz – olardyń zańnamalyq deńgeıde is júzinde iske asyrylýyn qamtamasyz etý, - dedi Nurlan Nyǵmatýlın.

Otyrysta Memleket basshysynyń bıologııalyq qaýipsizdikti qamtamasyz etý salasyndaǵy bastamalary jáne Aýǵanstandaǵy jaǵdaı týraly sóz boldy.




Májilis spıkeri búginde ótkir máselelerdiń birine aınalǵan Aýǵanstandaǵy jaǵdaıǵa nazar aýdaryp, eldiń aýqymdy gýmanıtarlyq jáne azyq-túlik daǵdarysynyń aldynda turǵanyn atap ótti.

Sonymen qatar, Qazaqstan Prezıdentiniń bastamasymen túrli baǵyttar boıynsha jumystar atqaryp jatqanyn alǵa tartty.

Sonymen qatar, Nurlan Nyǵmatýlın aýǵan elindegi jaǵdaıǵa baılanysty Parlament ókilderiniń, halyqaralyq sarapshylardyń, saıasattanýshylar men osy saladaǵy mamandardyń qatysýymen jeke talqylaý ótkizýdi usyndy.

Aıta ketý kerek, otyrystarǵa UQShU PA qatysýshy elderden Armenııa, Belarýs, Qazaqstan, Qyrǵyzstan, Reseı jáne Tájikstannyń Parlament palatalarynyń basshylary men ókilderi, al baqylaýshy memleket retinde Serbııa qatysty.





Joǵary qaraı