Aýa raıy
Astana 9 °S
Almaty 2 °S
valıýta baǵamy
USD 421.58
EUR 496.83
RUB 5.53
CNY 62.20

«Nurly jer»: Jambyl oblysynda 4,8 myń otbasy baspanaly bolady

2020 jyldyń 11 mamyr 2020 23:07

TARAZ. QazAqparat - Jambyl oblysynda bıyl qarjylandyrýdyń barlyq kózderi esebinen 542 myń sharshy metr nemese 4800 baspana salynady, dep habarlaıdy QazAqparat.

QR Indýstrııa jáne ınfraqurylymdyq damý mınıstrliginen málim etkendeı, Jambyl oblysynda bıylǵy birinshi toqsanda bul salaǵa 12,8 mlrd teńge ınvestıtsııa baǵyttalyp, jalpy aýdany 107,9 myń sharshy metr bolatyn 824 turǵyn úı paıdalanýǵa berildi. Onyń ishinde – 768 jeke úı.

«Jalpy bıyl «Nurly jer» memlekettik baǵdarlamasy sheńberinde atalmysh óńirde ınjenerlik-kommýnıkatsııalyq ınfraqurylym jáne turǵyn úı qurylysyna 20,4 mlrd teńgege 70 joba iske asyrylyp, 1230 adam jumyspen qamtylady.

Kredıttik nemese satyp alý quqyǵynsyz jalǵa beriletin 1980 páterdi paıdalanýǵa berý josparlanyp otyr.

Onyń ishinde satyp alý quqyǵynsyz jalǵa beriletin turǵyn úı qurylysyna 27 jobany iske asyrý úshin 4,9 mlrd teńge qarastyrylǵan. Jyl sońyna deıin jalpy aýdany 42,5 myń sharshy metr bolatyn 695 jalǵa beriletin páter paıdalanýǵa beriledi. Halyqtyń az qamtylǵan áleýmettik toptaryna, kópbalaly otbasylarǵa beriletin ol baspanalardyń qurylysyna 330 adam jumysqa tartylady», - delingen mınıstrliktiń aqparatynda.

Al kredıttik turǵyn úı qurylysyna 32 jobany iske asyrý úshin 12 mlrd teńge qarastyrylǵan. Oǵan 76,5 myń sharshy metr turǵyn úı nemese 1285 páterdi paıdalanýǵa berý josparlanǵan. Ol jobalardy iske asyrý úshin 644 adam jumyspen qamtylady.

Budan basqa, 2 paıyzben nesıe beriletin «Baqytty otbasy» baǵdarlamasy aıasynda 358 turǵyn úıge respýblıkalyq bıýdjetten 3,6 mlrd teńge qarastyrylyp otyr.

Oblysta turǵyn úı qurylysy aýdandaryna ınjenerlik-kommýnıkatsııalyq ınfraqurylym júrgizýge 11 joba iske asyrylady. Ol maqsatqa 3,5 mlrd teńge bólinedi. Atalǵan jobalar boıynsha 256 jumys orny ashylmaq.


Joǵary qaraı