Aýa raıy
Astana 12 °S
Almaty 12 °S
valıýta baǵamy
USD 421.58
EUR 496.83
RUB 5.53
CNY 62.20

«Nurly jol» baǵdarlamasynyń bıylǵy qorytyndysy qandaı bolmaq

2020 jyldyń 5 tamyz 2020 18:03

NUR-SULTAN. QazAqparat - 2020 jyldyń qorytyndysynda áýe kóligimen jolaýshylar tasymaly 9 mıllıon 100 myń adamǵa arttyrylady. Bul týraly QR Indýstrııa jáne ınfraqurylymdyq damý mınıstrligi Avtomobıl joldary komıtetiniń tóraǵasy Saıranbek Barmaqov aıtty, dep habarlaıdy QazAqparat tilshisi.

«2020 jyldyń qorytyndysynda «Nurly jol» baǵdarlamasy aıasynda respýblıkalyq mańyzy bar avtojoldardyń 89 paıyzy, oblystyq jáne aýdandyq mańyzy bar joldardyń 71 paıyzy jaqsy jáne qanaǵattandyrarlyq jaǵdaıǵa jetkiziletin bolady. Ózin-ózi óteıtin aqyly avtojoldar 682 shaqyrymnan 6 465 shaqyrymǵa arttyrylady«, - dedi komıtet tóraǵasy Ortalyq kommýnıkatsııalar qyzmetindegi baspasóz máslıhatynda.

Sonymen qatar onyń aıtýynsha, avtojoldardy ulttyq standartqa sáıkes keletin jol servısi nysandarymen qamtamasyz etý 52 paıyzdan 58 paıyzǵa jetkiziledi. Temirjol kóligimen tranzıttik tasymaldar kólemi 19 paıyzǵa nemese 20,9 mıllıon tonnaǵa deıin arttyrylady.

»Konteınerlik temir jol tranzıtin 842 myń jıyrma fýttyq konteınerge ulǵaıtý kózdeledi. Áýe kóligimen jalpy jolaýshylar tasymalyn 9 mıllıon 100 myń adamǵa arttyrý josparlanǵan«, - dedi Saıranbek Barmaqov.


Joǵary qaraı