Aýa raıy
Astana 6 °S
Almaty 11 °S
valıýta baǵamy
USD 421.58
EUR 496.83
RUB 5.53
CNY 62.20

Nursultan Nazarbaev Aqtaýda halyqaralyq týrıstik habtyń tanystyrylymyna qatysty

2020 jyldyń 18 qyrkúıek 2020 22:28

AQTAÝ. QazAqparat - Mańǵystaý oblysyna jumys sapary aıasynda Qazaqstannyń Tuńǵysh Prezıdentine Kaspıı teńiziniń jaǵalaýyndaǵy týrıstik habty damytý jobasy tanystyryldy, dep jazady Elbasy.kz.

Kezdesýde Elbasy otandyq týrızm ındýstrııasyn damytýdyń mańyzdylyǵyna toqtaldy. Sondaı-aq Qazaqstannyń biregeı tabıǵatymen qatar qasıetti jerleri, mádenı jáne tarıhı oryndary, Uly Jibek jolynyń boıyndaǵy nysandary, arheologııalyq eskertkishteri bar ekenin aıta kele, elimizde demalystyń kez kelgen túrin damytýǵa múmkindik bar ekenin atap ótti.


– Týrızmdi damytýdyń memlekettik baǵdarlamasy aıasynda týrıstik áleýetke taldaý jasalyp, mańyzdy nysandar men óńirler anyqtaldy. Іrikteý kezinde olardyń týrıstik tartymdylyǵyna basymdyq berildi. Úzdik óńirler qataryna Alakól, Balqash kólderi, ýchınsk-Býrabaı kýrorttyq aımaǵy, Túrkistanmen birge Mańǵystaý da endi, – dedi Nursultan Nazarbaev.




Kaspıı teńiziniń jaǵasynda alǵash ret barlyq qyzmet túri qamtylǵan otbasylyq demalys kesheniniń qurylysyna sheteldik ınvestor tartý aımaq úshin mańyzdy oqıǵaǵa aınaldy.

Jıynda «Rixos» qonaq úı jelisiniń basqarma tóraǵasy F.Tamındje bes juldyzdy lıýks klasyndaǵy «Rixos Water World Aktau» qonaq úıin damytý jobasyn tanystyrdy. Sondaı-aq qazaqstandyq jáne sheteldik ınvestorlardy tartý arqyly týrıstik klasterdi keńeıtý josparlarymen bólisti.

Nursultan Nazarbaev bul Kaspııde aýqymdy halyqaralyq týrıstik hab qurý jolyndaǵy alǵashqy qadam ekenin, aldaǵy ýaqytta osynda qazaqstandyqtarmen birge sheteldik qonaqtar da óte qolaıly ýaqyt ótkize alatynyn atap ótti.




Sonymen qatar Qazaqstannyń Tuńǵysh Prezıdenti Kaspıı jaǵalaýyndaǵy kýrorttyq aımaqta jańa jumys oryndarynyń qurylýy erekshe mańyzǵa ıe ekenin aıtty. Shara barysynda óńirdiń týrızm salasyn damytý 50 myńǵa jýyq jumys ornymen qamtýǵa múmkindik beretini, sondaı-aq jobany iske asyrý úshin shamamen 2 mıllıard dollar ınvestıtsııa tartylatyndyǵy atap ótildi.

– Táýelsizdik jyldary biz biraz sharýa atqardyq. Buryn eshkim tanymaǵan Qazaqstan qazir álem kartasynda laıyqty oryn alyp otyr. Biz jańa elorda saldyq. Búginde ol basqa oblys ortalyqtary men óńirlerdi damytýdyń úlgisine aınaldy. Men barlyq musylmandardyń qasıetti mekeni – Túrkistan qalasyna barýdy josparlap otyrmyn. Qazaq handyǵynyń ejelgi astanasy bolǵan shahar qazirgi ýaqytta túrlenip, týrıstik áleýeti artyp keledi, – dedi Elbasy.

Nursultan Nazarbaev týrızmdi maqsatty túrde damytýǵa baǵyttalǵan qadamdar tek jekelegen aımaqtardyń ǵana emes, búkil respýblıkanyń ekonomıkasyna oń serpin beretinin atap ótti.

Jıyn sońynda Qazaqstannyń Tuńǵysh Prezıdenti «Rixos Water World Aktau» qonaq úıi keshenin aralady.

Sondaı-aq is-sharaǵa onlaın-konferentsııa formatynda otandyq jáne sheteldik ınvestorlar qatysty. Olardyń qatarynda – ACCOR kompanııasynyń Eýropa, Taıaý Shyǵys jáne Afrıka aımaǵyndaǵy lıýks klasyndaǵy qonaq úılerdi damytý jónindegi birinshi vıtse-prezıdent F.Boden, ÖG Holding basqarma tóraǵasy O.Gıýr, «BI Group» qurylys holdıngi dırektorlar keńesiniń tóraǵasy A.Rahymbaev, «Bazıs-A» korporatsııasy dırektorlar keńesiniń tóraǵasy A.Belovıch bar.











Joǵary qaraı