Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Nursultan Nazarbaev «Eldiktiń jeti tuǵyryn» atady

2021 jyldyń 23 qarasha 2021 19:30

NUR-SULTAN. QazAqparat –Elbasy Nursultan Nazarbaev «Nur Otan» partııasy Saıası keńesiniń keńeıtilgen otyrysynda jas urpaqqa úndeý joldady, dep habarlaıdy QazAqparat tilshisi.

«Osy oraıda jańa dáýirdegi qazaqstandyqtarǵa baǵdar bolatyn «Eldiktiń jeti tuǵyry» atty qaǵıdattar jıyntyǵyn usynamyn. Bul – otyz jyldyq belesti elmen birge ótkergen Elbasy retindegi meniń jas urpaqqa joldar úndeýim dep qabyldańyzdar», - degen Nursultan Nazarbaev «jeti tuǵyr» dep ataǵan uǵymdarǵa jeke-jeke toqtaldy.

Olar:

Birinshi. Táýelsizdik – kez-kelgen azamat úshin eń qasterli qundylyq.

Ekinshi. Birlik pen kelisim – eldigimizdiń myzǵymas tuǵyry.

Úshinshi. Jer – ata-baba murasy, halyq qazynasy.

Tórtinshi. Otbasy men salt-dástúr – qoǵamnyń altyn dińgegi.

Besinshi. Ulttyq mádenıet – halyqtyń rýhanı tiregi.

Altynshy. Bilim men eńbek – baqýatty ómirdiń kilti.

Jetinshi. Pragmatızm – básekege qabiletti bolýdyń kepili.

«Jerden qasıetti eshnárse joq. Qazaq úshin el men jer – tutas uǵym. Tarıhymyzdaǵy soǵys ataýlynyń bári el men jerdi qorǵaý úshin bolǵan. Biz Táýelsizdikti jarııalaı salysymen shekaramyzdy qujat júzinde bekitip alýǵa kúsh jumsadyq. Adamzat tarıhynda, tipti qazirgi kezeńde de daýly terrıtorııanyń soǵysqa, qantógiske alyp kelgenin kórip otyrmyz», - degen Elbasy óziniń «óskeleń urpaqty osyndaı qaýipten saqtap qalý úshin baryn salǵanyn» aıtady.

«Endi ata-baba amanatyna adal bolyp, ulan-ǵaıyr jerimizdi qorǵaý, ony bolashaq urpaqqa mıras etý – bizdiń ortaq boryshymyz», - dedi Nursultan Nazarbaev.



Joǵary qaraı