Aýa raıy
Astana -19 °S
Almaty -7 °S
valıýta baǵamy
USD 421.58
EUR 496.83
RUB 5.53
CNY 62.20

Nursultan Nazarbaev Іshki ister mınıstrin qabyldady

2020 jyldyń 1 qazan 2020 18:02

NUR-SULTAN. QazAqparat - Qaýipsizdik Keńesiniń Tóraǵasy Nursultan Nazarbaev Іshki ister mınıstri Erlan Turǵymbaevty qabyldady, dep habarlaıdy QazAqparat elbasy.kz-ke silteme jasap.

Kezdesýde Qaýipsizdik Keńesiniń Tóraǵasyna karantın kezeńinde elde quqyqtyq tártipti qamtamasyz etý boıynsha qabyldanǵan sharalar, sondaı-aq jeke quramdy epıdemııadan qorǵaý jóninde málimet berildi.

Sonymen qatar Nursultan Nazarbaevqa ishki ister organdarynyń halyqpen ózara is-qımylyn jaqsartý, olardyń jumysynyń ashyqtyǵyn qamtamasyz etý boıynsha júrgizilip jatqan jumystar týraly aqparat usynyldy.

– Memlekettik organdardyń qoǵam údesinen shyǵa bilgeni jón. Jurtshylyqpen tikeleı dıalog ornatyp, azamattarmen keri baılanysty jaqsartý úshin qazirgi «platformalardyń» jumys formatyn qaıta qaraý qajet. Basty maqsat – halyqtyń quqyq qorǵaý júıesine degen senimin jáne onyń qyzmetiniń tıimdiligin arttyrý, – dedi Elbasy.

Qaýipsizdik Keńesiniń Tóraǵasy Prezıdenttiń jergilikti polıtsııa qyzmetin odan ári reformalaý jáne eldegi quqyqtyq tártipti qamtamasyz etý jónindegi tapsyrmalaryn sapaly oryndaýdyń mańyzdylyǵyn atap ótti.


Joǵary qaraı