Aýa raıy
Astana -10 °S
Almaty -1 °S
valıýta baǵamy
USD 421.58
EUR 496.83
RUB 5.53
CNY 62.20

Nursultan Nazarbaev Saýda jáne ıntegratsııa mınıstrin qabyldady

2020 jyldyń 12 qazan 2020 19:40

NUR-SULTAN. QazAqparat – Elbasy Nurcultan Nazarbaev Joǵary Eýrazııalyq ekonomıkalyq keńestiń qurmetti Tóraǵasy, Saýda jáne ıntegratsııa mınıstri Baqyt Sultanovty qabyldady. Bul týraly QazAqparat elbasy.kz saıtyna silteme jasap habarlaıdy.

Kezdesýde Qazaqstannyń Tuńǵysh Prezıdentine saýda júıesin transformatsııalaý jáne odan ári damytý jónindegi vedomstvo qyzmetiniń negizgi baǵyttary týraly aqparat berildi.

B.Sultanovtyń málimetine sáıkes, Saýda jáne ıntegratsııa mınıstrligi tıimdi kópformatty saýda-logıstıkalyq ınfraqurylymdy qalyptastyrý baǵytynda jumys atqaryp keledi. Onyń quramyna Ulttyq taýar ótkizý júıesi men óńirlik habtar – «Ortalyq Azııa» halyqaralyq saýda-ekonomıkalyq yntymaqtastyq ortalyǵy, «Qorǵas» shekara mańy yntymaqtastyǵy halyqaralyq ortalyǵy jáne «Eýrazııa» saýda-ındýstrııalyq ortalyǵy kiredi.

Sonymen qatar mınıstr Eýrazııalyq ekonomıkalyq odaqta saýdany júıege keltirý jáne 16 kedergini joıý boıynsha júrgizilgen jumystar týraly baıandady.


Joǵary qaraı