Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Nyǵmatýlın EAEO energetıkalyq júıesi týraly: Eldiń energetıkalyq qaýipsizdigine basymdyq beriledi

2022 jyldyń 19 qańtar 2022 11:44

NUR-SULTAN. QazAqparat -Eýrazııalyq ekonomıkalyq odaqtyń biryńǵaı energetıkalyq júıesin qurý kezinde Qazaqstannyń múddesi eskerilýi kerek. Bul týraly búgin tómengi palata tóraǵasy Nurlan Nyǵmatýlın jalpy otyrysta aıtty, dep habarlaıdy QazAqparat Májilistiń baspaóz qyzmetine silteme jasap.

2014 jylǵy 29 mamyrdaǵy Eýrazııalyq ekonomıkalyq odaq týraly shartqa (Eýrazııalyq ekonomıkalyq odaqtyń ortaq elektr energetıkalyq naryǵyn qalyptastyrý bóliginde) ózgerister engizý týraly hattamany ratıfıkatsııalaý týraly zań jobasynyń maqsaty – elektr energııasyn óndirýshiler men tutynýshylardyń ulttyq elektr energııasy naryqtaryn ıntegratsııalaý arqyly Eýrazııalyq ekonomıkalyq odaqtyń ortaq elektr energetıkalyq naryǵyn qurý bolyp tabylady.

Nurlan Nyǵmatýlın atap ótkendeı, bul zań jobasynyń qabyldanýymen birtutas iri energetıkalyq júıege ıntegratsııalaný úshin quqyqtyq negiz qurylýda. Elektr energııasyn jetkizýdiń elaralyq qurylymyn qalyptastyrýǵa qýattardyń, bazalyq ınfraqurylymnyń, sondaı-aq EAEO memleketteriniń elektr energetıkalyq júıelerine ortaq tehnıkalyq standarttarynyń bolýy yqpal etedi.

Májilis tóraǵasy zań jobasyn ázirleýshi Energetıka mınıstrliginiń nazaryn ortaq naryqqa qatysýshylardyń ózara qarym-qatynasyna qatysty erejelerdi qurýdyń mańyzdylyǵyna nazar aýdara kele: biryńǵaı energııa júıesin qurý ol, árıne, kerek nárse. Oǵan eshqandaı kúmán joq. Ol – básekege qabiletti arttyrý úshin kerek. Ol, jalpy, osy sektordy damytýǵa jol ashady Biraq ta, osy, biryńǵaı energııa júıesin qurǵanda, eń bastysy, óz elimizdiń energetıkalyq táýelsizdigin saqtap qalýymyz kerek. Ol, óte manyzdy másele, - dedi.

Bul rette Nurlan Nyǵmatýlın elimizdiń energetıkalyq qaýipsizdigin qamtamasyz etý máseleleri jeke energetıkalyq qýattardy damytýdy talap etetinin atap ótti. Osyǵan baılanysty energııa kózderine tolyq tehnıkalyq aýdıt júrgizip, elimizde 40-50 jyl jáne odan da kóp jumys istep turǵan negizgi óndirýshi qýattardy jańǵyrtý boıynsha naqty is-sharalar josparyn ázirleý qajettigine nazar aýdardy.


Joǵary qaraı