Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Nyǵmatýlın: Nur Otan fraktsııasy jumysynyń basty baǵyty -  saılaýaldy baǵdarlamany oryndaý

2021 jyldyń 12 qazan 2021 16:16

NUR-SULTAN. QazAqparat - Májilistegi «Nur Otan» fraktsııasy partııanyń saılaýaldy baǵdarlamasynyń oryndalýyn baqylaýdy jalǵastyrady. Bul týraly búgin Májiliste Palata Spıkeri, «Nur Otan» partııasy parlamenttik fraktsııasynyń jetekshisi Nurlan Nyǵmatýlın málimdedi, dep habarlaıdy QazAqparat.

Partııanyń saılaýaldy baǵdarlamasynyń «Jol kartasyn» oryndaýdyń aralyq qorytyndylary Májiliste fraktsııanyń keńeıtilgen otyrysynda qaraldy.

Onda Úkimettiń jáne fraktsııanyń «Nur Otan» partııasynyń 2025 jylǵa deıingi «Ózgerister joly: ár azamatqa laıyqty ómir!» Saılaý baǵdarlamasyn oryndaýdyń jol kartasyn iske asyrýdyń aralyq qorytyndy jumysy týraly aıtyldy.

Májilis Tóraǵasy Nurlan Nyǵmatýlın partııanyń Saılaýaldy baǵdarlamasyn oryndaý boıynsha Elbasy, «Nur Otan» partııasynyń Tóraǵasy Nursultan Ábishuly Nazarbaevtyń mańyzdy tapsyrmalaryn júzege asyrý maqsatynda jol kartasy ázirlenip, ol - partııanyń Saıası keńesi Bıýrosynyń qaýlysymen bekitilgenin atap ótti.

- Jol kartasyn iske asyrýǵa monıtorıng jáne baqylaý jasaý boıynsha Fraktsııa men Úkimettiń ózara is-qımyl tártibi qabyldandy. Osyǵan sáıkes, nátıjege qol jetkizý úshin jol kartasynyń árbir tarmaǵy boıynsha jeke vıtse-mınıstr bekitilip, onyń oryndalýyn baqylaý naqty depýtattarǵa – fraktsııa múshelerine júktelgen, - dedi N.Nyǵmatýlın.

Májilis Tóraǵasy «Jol kartasynyń» barlyq tarmaqtary jalpy aıtqanda ýaqytyly jáne sapaly oryndalyp kele jatqanyn alǵa tarta kelip, birqatar ózekti máselelerdi atap ótti. Olar: qarjylandyrý, jol kartasyn iske asyrý protsesinde ortalyq jáne jergilikti atqarýshy ózara is-qımylyna jáne uıymdastyrýshylyq baǵyttaryna qatysty.

Otyrys barysynda Nurlan Nyǵmatýlın 2021 jylǵy máselelerdi barynsha tıimdi sheshýge jáne jol kartasyn iske asyrýdyń ekinshi jylyn senimdi túrde pysyqtaýǵa jumyldyrý qajettigin aıtyp:

- Bul aldaǵy bes jyldyń ishinde elimizdi jańa damý baǵytyna bastaıtyn, sonymen birge, halqymyzdyń áleýmettik jaǵdaıyn odan ári arttyrýdyń jol kartasy. Osy jolda Elbasymyz, partııamyzdyń Tóraǵasy Nursultan Ábishuly aldymyzǵa naqty tapsyrmalar qoıyp otyr. Ózderińiz de kórip otyrsyzdar, ol tapsyrmalardy júzege asyrý úshin jaýapty adamdar bekitildi, baqylaý tolyqtaı qamtamasyz etildi. Endi óte joǵary jaýapkershilikpen qaraý kerek. Ol árbir depýtattyń da, árbir Úkimet múshesiniń de negizgi mindeti, - dedi Májilis Tóraǵasy.




Sonymen birge, jıynǵa depýtattarmen qatar Premer-Mınıstrdiń birinshi orynbasary Álıhan Smaıylov, Úkimet músheleri jáne «Nur Otan» partııasynyń hatshysy Marat Sembekov qatysty.
Joǵary qaraı