Aýa raıy
Astana -7 °S
Almaty 4 °S
valıýta baǵamy
USD 421.58
EUR 496.83
RUB 5.53
CNY 62.20

OA elderi men Koreıa tsıfrlyq tehnologııalarmen bilim berýde tájirıbe almasady

2020 jyldyń 25 qarasha 2020 15:42

SEÝL. QazAqparat – Búgin QR Syrtqy ister mınıstri Muhtar Tileýberdi bastaǵan qazaqstandyq delegatsııa «Ortalyq Azııa - Koreıa Respýblıkasy» yntymaqtastyq forýmynyń 13-shi otyrysyna qatysty, dep habarlaıdy QazAqparat.

Іs-sharaǵa Koreıa Respýblıkasynyń Syrtqy ister mınıstri Kan Gen Hva, Tájikstannyń - Sırodjıddın Mýhrıddın, Túrikmenstannyń - Rashıd Meredov, Ózbekstannyń - Abdýlazız Kamılov jáne Qyrǵyzstan Syrtqy ister mınıstriniń birinshi orynbasary Nurlan Nııazalıev qatysty.

SІM basshylary densaýlyq saqtaý, qashyqtan bilim berý, standarttaý jáne qorshaǵan orta salalaryndaǵy yntymaqtastyq máselelerin talqylady.

Densaýlyq saqtaý salasynda delegatsııalar COVID-19 pandemııasymen kúrestegi tıimdi ózara is-qımyl, onyń óńir ekonomıkasy úshin teris saldaryn eńserý jáne syrtqy ekonomıkalyq qyzmetti jandandyrý máselelerine qatysty pikir almasty.

Sondaı-aq, taraptar qashyqtan bilim berý, oqytýshylar quramynyń biliktiligin arttyrý, monıtorıng júrgizý máselelerin qozǵady. Motıvatsııanyń mazmuny men júıesine erekshe nazar aýdaryldy. Otyrysqa qatysýshylar tsıfrlyq tehnologııalardy qoldana otyryp, bilim berý baǵdarlamalaryn iske asyrý tájirıbesimen almasýǵa kelisti.




Tehnıkalyq standarttaý salasynda delegatsııa basshylary saýdadaǵy tehnıkalyq kedergilerdi joıý, ónimniń sapasy men básekege qabilettiligin arttyrý, sondaı-aq Ortalyq Azııa elderi men Koreıa Respýblıkasynyń ulttyq standarttaryn talqylady.

Forýmǵa qatysýshylar jasyl ekonomıkaǵa, qorshaǵan orta men tabıǵı resýrstarǵa júktemeni azaıtý jolynda tereń júıeli ózgerister jasaý qajettiligi týraly ortaq pikirge keldi.

«Ortalyq Azııa ekonomıkasyn jańǵyrtý aspektisinde Koreıa Respýblıkasynyń ekonomıkalyq jáne tehnologııalyq áleýeti qyzyǵýshylyq týdyrady. Bizdiń elderimizdiń áleýmettik-ekonomıkalyq jaǵdaıyna zalaldy azaıtý maqsatynda forýmnyń kúsh-jigerin saýda-ekonomıkalyq ózara is-qımyldy qalpyna keltirýge baǵyttaý týraly sheshim qabyldandy. Qatysýshylar kópjaqty ózara is-qımyldyń strategııalyq mańyzdy baǵyttaryna nazar aýdarýǵa nıetti.




Sondaı-aq forým aıasynda onlaın-formatta Ortalyq Azııa elderiniń Saýda-ónerkásip palatalary men Koreı saýda jónindegi halyqaralyq qaýymdastyǵynyń (KITA) qatysýymen Іskerlik keńestiń birinshi otyrysy ótýde.

Jalpy, Ortalyq Azııa memleketteri men Koreıa Respýblıkasy arasyndaǵy kópjosparly yntymaqtastyqty ózara qurmet pen paıda negizinde jandandyrý óńirdiń ortaq múddelerine jaýap beredi jáne ornyqty damýdyń mańyzdy faktory bolady.




Forým qorytyndysy boıynsha Ortalyq Azııa men Koreıa Respýblıkasy Syrtqy ister mınıstrleriniń Birlesken málimdemesi qabyldandy», - delingen QR SІM aqparatynda.





Joǵary qaraı