Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Oblys ákimderi Azyq-túlik korporatsııasyna astyqty tolyq kólemde jetkizýi kerek - AShM

2021 jyldyń 21 qyrkúıek 2021 10:01

NUR-SULTAN. QazAqparat – Oblys ákimderi Azyq-túlik korporatsııasyna astyqty tolyq kólemde jetkizýi kerek. Bul týraly búgin Úkimet otyrysynda QR Aýyl sharýashylyǵy mınıstri Erbol Qarashókeev aıtty, dep habarlaıdy QazAqparat tilshisi.

21 qyrkúıektegi jaǵdaı boıynsha Azyq-túlik korporatsııasynyń resýrstaryna 119 myń tonna astyq jetkizildi. Budan bólek Azyq-túlik korporatsııasynyń 426 myń tonna kólemindegi rezervtik astyq qory bar. Atalǵan astyq kólemi, qajet bolǵan jaǵdaıda, ishki naryqty turaqtandyrý jáne azyq-túlik qaýipsizdigin qamtamasyz etý maqsatynda ishki naryqqa jiberiletin bolady», - dedi mınıstr.

Osyǵan baılanysty Erbol Qarashókeev Úkimet basshysy Asqar Mamınnen oblys ákimderine Azyq-túlik korporatsııasynyń resýrstaryna forvardtyq satyp alý aıasynda astyqty tolyq kólemde jetkizýdi tapsyrýyn ótindi.

«Egin jınaý jáne astyq qabyldaý jumystaryn júrgizý máselesi mınıstrliktiń turaqty baqylaýynda», - dedi ol.


Joǵary qaraı