Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Oblys ákimderi bilim bólimderi basshylaryn taǵaıyndaý quzyretinen aıyrylady

2020 jyldyń 6 qazan 2020 16:21

NUR-SULTAN. QazAqparat – Aýdandyq jáne qalalyq bilim berý bólimderiniń basshylaryn oblystyq bilim berý basqarmasynyń basshysy taǵaıyndaıtyn bolady. Bul týraly QR Bilim jáne ǵylym vıtse-mınıstri Bıbigúl Asylova aıtty, dep habarlaıdy QazAqparat tilshisi.

«Oblystyq deńgeıde ortalyqtandyrýdy eskere otyryp, oblys ákimdikteriniń aldynda barlyq bilim berý uıymdaryn ornalasqan jerine qaramastan teńgerimdi ári ataýly qarjylandyrýdy qamtamasyz etý boıynsha mindet júkteledi. Mınıstrlik bilim berý basqarmalarymen ózara tyǵyz qarym-qatynasty qalyptastyra otyryp, óz sheshimderin barynsha tıimdi qabyldaı alady jáne eldegi árbir mektepke nemese balabaqshaǵa ádistemelik kómek kórsetedi. Osy ózgeristerge baılanysty bilim berý bólimderiniń basshylaryn taǵaıyndaý protsedýrasy ózgeredi. Endi olardy ákimder emes oblystyq bilim berý basqarmalarynyń basshylary taǵaıyndaýdy», - dedi Bıbigúl Asylova vedomstvonyń apparat jınalysynda.

Onyń atap ótýinshe, bilim berý salasyn basqarýdyń jańa júıesin engizý barysyndaǵy zańnama engizilgen ózgeristerdi odan ary júzege asyrý úshin qazirgi ýaqytta vedomstvo Bilim jáne ǵylym mınıstrliginiń buıryqtary men zańnamalyq aktileri deńgeıinde normatıvtik retteý jumystaryn aıaqtaýǵa jaqyn.

«Eń aldymen bul bilim berý basqarmalary men bólimderi arasyndaǵy qyzmetterdi bólý týraly buıryqty bekitý. Qazirgi ýaqytta buıryq jobasy ázirlenip bolyp qaldy jáne osy aptada múddeli memlekettik organdardyń bárine jiberilýi josparlanǵan», - dedi vıtse-mınıstr.

Buǵan deıin aýdandyq jáne qalalyq bilim berý bólimderin basqarý qyzmeti oblystyq basqarmalarǵa beriletindigin habarlaǵan edik.


Joǵary qaraı