Aýa raıy
Astana -3 °S
Almaty 7 °S
valıýta baǵamy
USD 389.34
EUR 428.78
RUB 6.05
CNY 55.45

Obyr aýrýlarynyń aldyn alý Qazaqstanda únemi basymdyqqa ıe bolady - Birtanov

2019 jyldyń 15 qazan 2019 11:16

NUR-SULTAN. QazAqparat - Elordada Onkologııadaǵy Dúnıejúzilik kóshbasshylar sammıtinde QR Densaýlyq saqtaý mınıstri Eljan Birtanov Qazaqstanda onkologııalyq aýrýlardyń aldyn alý sharalary týraly aıtty, dep habarlaıdy QazAqparat tilshisi.

«Búgingi shara Qazaqstan densaýlyq saqtaý júıesinde mańyzdy tarıhı oqıǵa bolyp sanalady. Sebebi bul onkologııa boıynsha Ortalyq Azııada jáne TMD elderi arasynda joǵary deńgeıli alǵashqy shara bolyp otyr. Sońǵy 10 jyl boıy Qazaqstan Halyqaralyq obyrǵa qarsy odaq (UICC) múshesi bolyp keledi. Atap aıtqanda, onkologııalyq aýrýlarmen kúres máselesi Qazaqstannyń áleýmettik saıasatynda únemi basymdyqty baǵytqa ıe bolyp otyr», - dedi Eljan Birtanov.

Sonymen qatar vedomstvo basshysy 2018 jyly elimizde qaterli isik onkologııalyq aýrýlarmen kúres boıynsha tórt jylǵa arnalǵan keshendi jospar ázirlengenin eske saldy. Jospardy júzege asyrýǵa 35 mlrd teńge qarastyrylǵan.

«2018 jyly Qazaqstanda onkologııalyq aýrýlardyń skrınıngtik baǵdarlamalaryn engizdik, 2016 jyly atalǵan skrınıngtik baǵdarlamalar Dúnıejúzilik densaýlyq saqtaý uıymynyń Yqpal etý mıssııasymen zerttelip, jańartyldy. Qazirgi kezde biz aqysyz túrde qaterli isikti erte kezeńde anyqtaý boıynsha skrınıngter júrgizýdemiz. Onkologııalyq aýrýlarmen kúres boıynsha keshendi jospar aıasynda erler men áıelder úshin tekserilý kabınetterin uıymdastyrdyq, olardyń sany 539-den 1284-ke deıin artty», - dedi Eljan Birtanov.

Budan buryn habarlanǵandaı, búgin elordada Onkologııadaǵy Dúnıejúzilik kóshbasshylar sammıtiniń jumysy bastaldy. Sharaǵa 70 elden 350 delegat qatysyp jatyr.

Joǵary qaraı