Aýa raıy
Astana -8 °S
Almaty -3 °S
valıýta baǵamy
USD 389.34
EUR 428.78
RUB 6.05
CNY 55.45

Obyrmen kúreste qarjylandyrýdy arttyrý mańyzdy – Eljan Birtanov

2019 jyldyń 15 qazan 2019 15:14

NUR-SULTAN. QazAqparat - QR Densaýlyq saqtaý mınıstri Eljan Birtanov Qazaqstanda bastapqy medıtsınalyq-sanıtarlyq kómek deńgeıinde obyrmen kúres sharalaryn qarjylandyrýdy arttyrý mańyzdylyǵy týraly aıtty, dep habarlaıdy QazAqparat tilshisi.

«Ózderińiz bilesizder, qaterli isik aýrýlarynan emdeý sharalary qomaqty qarjyny qajet etedi. Osy oraıda Qazaqstanda árbir azamat aýrý saldarynan týyndaǵan qarjylyq qıyndyqtardan qorǵalǵanyna senimdi bolǵymyz keledi. Sondyqtan Mindetti áleýmettik medıtsınalyq saqtandyrýdy engizý qoljetimdikti arttyrýǵa, medıtsınalyq qyzmet sapasyn kóterýge jáne beıresmı tólemder deńgeıin tómendetýge yqpal etedi dep senemiz. Bastapqy medıtsınalyq-sanıtarlyq kómek pen qoǵamdyq densaýlyq saqtaý deńgeıinde obyrmen kúresti qarjylandyrýdy arttyrý aıtarlyqtaı mańyzdy. Bul óz kezeginde onkologııalyq aýrýdyń aldyn alýǵa jáne erte kezeńde anyqtaýǵa yqpal etedi», - dedi mınıstr elordadaǵy Onkologııadaǵy Dúnıejúzilik kóshbasshylar sammıtinde.

Sonymen qatar E. Birtanov onkologııalyq arýlardyń aldyn alýǵa baǵyttalǵan sharalarǵa elderdiń basshylyǵy aıryqsha nazar aýdarýy tıistigin tilge tıek etti. Osy oraıda Qazaqstanda 2024 jylǵa qaraı densaýlyq saqtaý salasyn qarjylandyrý eleýli túrde artatyny atalyp ótti.

Budan buryn habarlanǵandaı, búgin elordada Onkologııadaǵy Dúnıejúzilik kóshbasshylar sammıtiniń jumysy bastaldy. Sharaǵa 70 elden 350 delegat qatysyp jatyr.

Joǵary qaraı