Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Oqıtyn ult: Aqtoty Raıymqulova ulttyq keńes múshelerine jańa jobany tanystyrdy

2021 jyldyń 20 jeltoqsan 2021 20:44

NUR-SULTAN. QazAqparat - Búgin Mádenıet jáne sport mınıstri Aqtoty Raıymqulova Ulttyq qoǵamdyq senim keńesiniń múshelerimen onlaın formatta kezdesý ótkizdi, dep habarlaıdy QazAqparat.

Bul jaıynda Prezıdent kómekshisi Erlan Qarın málim etti.

«Kezdesý aıasynda mınıstr bıyl ótkizilgen negizgi mádenı, sporttyq is-sharalar men ǵylymı konferentsııalarǵa toqtaldy. Sondaı-aq, Aqtoty Raıymqulova mádenıet, sport jáne saýyqtyrý nysandarynyń qurylysy men jóndeý jumystaryna, múmkindigi shekteýli jandar úshin túrli sport túrlerin damytý boıynsha memlekettik qoldaý sharalarynyń iske asýyna nazar aýdardy»,-dep jazdy Erlan Qarın Facebook paraqshasynda.

Sonymen qatar, mınıstr Ulttyq keńes alańynda aıtylǵan oıyn bıznesin retteýge jáne «Oqıtyn ult» jobasyn júzege asyrýǵa qatysty Memleket basshysy tapsyrmalarynyń oryndalý retimen tanystyrdy.

«Mınıstr baıandamasynan keıin kezdesý suraq-jaýap formatynda jalǵasty. Ulttyq keńes músheleri Ashat Sadyrbaı , Jemis Turmaǵambetova , Tatıana Talaeva , Qaısar Tursynqoja, Bórihan Nurmuhamedov , Qazybek Isa , Aıgúl Orynbek, Aıdos Sarym, Marat Báshimov jáne Maksım Rojın túrli mereıtoılyq is-sharalardy ótkizý jáne mádenı murany nasıhattaý, tarıhı-mádenı eskertkishterdi saqtaý, ádebıet jáne baspa salasyn damytý, jappaı jáne kásibı sportty qoldaý boıynsha óz suraqtaryn qoıdy. Kezdesý sońynda qatysýshylar talqylanǵan máseleler men usynystardy birlesip pysyqtaýǵa kelisti» dep túıindedi sózin Prezıdent kómekshisi.


Joǵary qaraı