Aýa raıy
Astana -18 °S
Almaty -7 °S
valıýta baǵamy
USD 421.58
EUR 496.83
RUB 5.53
CNY 62.20

Oksford vaktsınasy koronavırýsqa qarsy joǵary nátıjeliligin kórsetti

2020 jyldyń 23 qarasha 2020 22:27

LONDON. QazAqparat – Іri zertteýdiń qorytyndysy koronavırýsqa qarsy Oksford ýnıversıtetinde jasalǵan vaktsına COVID-19 belgileriniń ýshyǵýyn aldyn alýda joǵary nátıjeliligin kórsetti, dep habarlaıdy QazAqparat tilshisi BBC-ge silteme jasap.

Aldyn ala berilip otyrǵan málimetke sáıkes, vaktsına nátıjeliliktiń 70 paıyzyn kórsetken. Alaıda zertteýshilerdiń aıtýynsha, dozany ózgergertken jaǵdaıda ol 90 paıyzǵa deıin jetýi múmkin.

Zertteý nátıjesine sáıkes, Oksford ýnıversıtetiniń vaktsınasy nátıjelilik jaǵynan Pfizer jáne Moderna kompanııalarynyń vaktsınalarynan keıingi orynda tur. Atalǵan kompanııalardyń vaktsınalarynyń qorǵaýshylyq pármeni 95 paıyzǵa jetken.

Alaıda BBC oksfordtyq vaktsına Pfizer jáne Moderna vaktsınalarynan qaraǵanda edáýir arzan ári ony saqtaýdyń ońaı ekenin, vaktsınany álemniń kez kelgen núktesine jetkizýge bolatynyn atap ótedi. Eger retteý organdary tarapynan maquldansa, vaktsına pandemııaǵa qarsy kúreste mańyzdy ról atqarady.

«Vaktsınanyń nátıjeliligi týraly búgingi málimdeme (Oksford ýnıversıtetiniń) bizdi vırýs týyndatqan kúızelisten shyǵýǵa taǵy bir qadam jaqyndatary sózsiz», - dep málimdedi vaktsınany jasaǵan professor Sara Gılbert.

Ulybrıtanııa úkimeti oksfordtyq vaktsınanyń aldyn ala 100 mıllıon dozasyna tapsyrys bergen. Al AstraZeneca kompanııasy kelesi jyly búkil álemge arnalyp úsh mıllıard doza jasaıtynyn málimdedi.

Ulybrıtanııanyń Premer-mınıstri Borıs Djonson «keremet jańalyqqa» baılanysty qýanyshyn bildirip, vaktsınanyń qaýipsizdigin tekserý jumystary alda bolsa da ony «fantastıkalyq nátıje» dep atady.

Vaktsınany ázirleýge shamamen 10 aı ýaqyt ketken. Ádette mundaı protsess ondaǵan jyldarǵa sozylady.

Ulybrıtanııa men Brazılııada synaqqa qatysqan 20 myń eriktiden alynǵan eki nátıje bar.

Jalpy vaktsınanyń eki dozasyn alǵan 30 adam Covid-19 indetin juqtyrǵan. Sondaı-aq fıktıvti ınektsııa alǵan 101 adam koronavırýsqa shaldyqqan. Zertteýshiler vaktsınanyń nátıjeliligi 70 paıyzdy kórsetkenin málimdedi. Bul kórsetkish maýsymdyq tumaý ekpesinen de jaqsy kórsetkish.

Sonymen qatar osy vaktsınany saldyrǵan birde-bir adam koronavırýstyń aýyr túrine qaıtadan shaldyqpaǵan jáne olar statsıonarlyq emdi qajet etpegen.

Jetekshi zertteýshi, professor Endrıý Pollard bul nátıjege «kóńili yrza ekenin», sebebi «bul degenińiz, bizde búkil álemge arnalǵan vaktsına bar degen sóz».

Ulybrıtanııada oksfordtyq vaktsınanyń 4 mıllıon dozasyn qabyldaýǵa ázir adamdar bar eken. Alaıda retteýshi organdar maquldamaı, birde-bir adamǵa vaktsına salynbaıdy. Retteýshi organdar vaktsınanyń qaýipsizdigi men nátıjeliligin baǵalap, joǵary standarttarǵa sáıkestigin tekserýi tıis. Bul protsess adaǵy aptalarda bolady.

Ulybrıtanııa jappaı ımmýndaý boıynsha teńdessiz kampanııany bastaýǵa daıyn tur. Bul protses jyl saıynǵy tumaýǵa qarsy vaktsınanyń ózin jolda qaldyraıyn dep tur. Eń birinshi kezekte qarttar úıiniń turǵyndary men personalyna ekpe jasalady. Odan keıin vaktsına medıtsına qyzmetkerleri men jasy 80-nen asqan azamattarǵa salynady.

BBC oksfordtyq vaktsına Pfizer jáne Moderna kompanııalarynyń vaktsınalarynan qaraǵanda basqa amaldy qoldanatynyn atap ótedi. ıAǵnı oksfordtyq ádis boıynsha patsıentterge vırýstyń genetıkalyq kodynyń bir bóligi salynady.

Álbette Pfizer jáne Moderna kompanııalarynyń vaktsınalarynyń vaktsınalarynyń 95 paıyzdyq pármeninen qaraǵanda 70 paıyzdyq kórsetkish álemdi tamsandyra qoımaýy múmkin. Áıtse de bul vaktsına Covid-19 juqtyrǵan adamdardy qutqaryp qalýǵa qaýqarly ári ol maýsymdyq tumaýǵa qarsy ekpeden qaraǵanda edáýir tıimdirek. Onyń sonymen qatar basymdyqtary men artyqshylyqtary bar. Ony tońazytqyshtyń temperatýrasynda saqtaýǵa bolady. ıAǵnı bul degenińiz vaktsınany Pfizer / BioNTech jáne Moderna vaktsınalarynan qaraǵanda álemniń kez kelgen núktesinde saqtaýǵa bolady. Atalǵan kompanııalardyń vaktsınalaryn tómengi temperatýrada saqtaý kerek.

Baǵasy shamamen 3 fýnt sterlıng turatyn oksfordtyq vaktsınanyń baǵasy da arzan. Máselen Pfizer kompanııasynyń vaktsınasynyń baǵasy 15 fýnt sterlıng, al Moderna kompanııasynyń vaktsınasy 25 fýnt sterlıng turady.

Avtor Aıan Bekenuly
Basty sózder: Koronavırýs, Álem,
Joǵary qaraı