Aýa raıy
Astana -18 °S
Almaty -1 °S
valıýta baǵamy
USD 421.58
EUR 496.83
RUB 5.53
CNY 62.20

Oqshaýlaýdan  ózimizdi qorǵaýǵa kóshýimiz qajet - Marat Báshimov

2020 jyldyń 15 tamyz 2020 14:22

NUR-SULTAN. QazAqparat - Eýropalyq quqyq jáne adam quqyqtary ınstıtýtynyń dırektory Marat Báshimov 17 tamyzdan bastap karantın sharalarynyń kezeń-kezeńimen alynyp tastalatyndyǵyna oraı pikir bildirdi, dep habarlaıdy QazAqparat tilshisi.

«Koronavırýs indetine qatysty statıstıkalyq derekter bizde de, álemde de áli kúnge turaqsyzdyq tynytyp tur. Iá, indettiń beti qaıtyp, vırýsqa shaldyqqandardyń sany azaıyp kele jatyr. Deı turǵanmen osy kúnge deıin elimizde 102 287 adamnyń aýyrǵany belgili. Tek ótken táýliktiń ózinde ǵana elimizde 439 adamnan koronavırýs ınfektsııasy anyqtaldy. Ólim-jitim áli de bar. Koronavırýs indetiniń taralýy birneshe ese tómendegendikten jáne ekonomıkalyq ósimdi qalpyna keltirý úshin qatańdatylǵan karantın sharalaryn kezeń-kezeńmen alyp tastaý óte oryndy. El Úkimeti de 17 tamyzdan bastap osyndaı qadamǵa barǵaly otyr», - dedi Marat Báshimov.

Osy rette Eýropalyq quqyq jáne adam quqyqtary ınstıtýtynyń dırektory dúısenbiden bastap karantın sharalary kezeń-kezeń alynǵanymen keıbir shekteý sharalarynyń qala beretindigine nazar aýdartty.

«Bul durys ta. Halyqty qajetti taýarlarmen jáne qyzmettermen qamtamasyz etý úshin keıbir kommertsııalyq qurylymdar jumysyn bastaıdy. Alaıda senbi jáne jeksendi kúnderi karantın sharalary qoldanysta bolatyndyǵy belgili. Munyń barlyǵy da kornavırýs indetiniń qaıtadan órship, bılik taǵy da májbúrli túrde naqty qadamdarǵa barmaýy úshin asa mańyzdy. Sondyqtan endigi ýaqytta halyq ózin-ózi oqshaýlaýdan ózin-ózi qorǵaýǵa kóshýi qajet», - dedi ol.


Avtor Marlan Jıembaı
Basty sózder: Karantın,
Joǵary qaraı