Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Oqýshy sany 300-ge deıingi mektepterde jumys shattyq keste boıynsha júredi

2021 jyldyń 2 naýryz 2021 13:28

NUR-SULTAN. QazAqparat – Búgingi kúni oqýshy sany 300-ge deıingi mektepterde jumys tártibi ary qaraı da shattyq keste boıynsha jalǵasýda.

Bul týraly Ortalyq kommýnıkatsııalar qyzmetinde ótken Orta jáne joǵary bilim berýge qatysty mańyzdy suraqtar týraly brıfıngide aıtyldy, dep habarlaıdy QazAqparat tilshisi.

«Búgingi kúni oqýshy sany 300-ge deıingi mektepterde jumys tártibi ary qaraı da shattyq keste boıynsha jalǵasýda. Osy ýaqytqa deıin jeke keńester oqýshylardyń bilimderiniń jetispeýshiligi bolǵan, qosymsha sabaqtar qajet bolǵan jaǵdaıda 5-synypqa deıingi oqýshylarmen toptarda jumys júrgiziletin bolsa, qazirgi qabyldanǵan qaýlyǵa sáıkes 15 oqýshyǵa deıingi toptarda keńes júrgizýge ruqsat etildi. Bul, árıne, mindetteıtin jumys emes. Ár pedagog óziniń synyby boıynsha qaı oqýshyǵa qanshalyqty bilimin tolyqtyrý qajet ekendigin anyqtap, ata-analardyń kelisimimen jumys isteıdi. Bul áli de qashyqtyq formatta qalyp otyrǵan 6, 7, 8 jáne 10-synyp oqýshylaryna qatysty qabyldanǵan sheshim», - deıdi Bilim jáne ǵylym vıtse-mınıstri Sholpan Karınova.

Onyń aıtýynsha, ár mekteptiń jaǵdaıy ártúrli.

«Keıbir oqýshy mektepke baryp oqysa, ınternatta jatyp oqıtyn oqýshylar da bar. Tamaqtandyrý, tasymaldaý jumystaryna baılanysty tıisti sheshimder qaýlylarda kórsetilgen. Osy boıynsha ár óńirdegi jaǵdaı eskerilip, bul suraqtarǵa qatysty máseleler óz sheshimin tapty», - deıdi ol.


Joǵary qaraı