Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Oqýshylar birinshi toqsanda oqýdy qandaı formatta bastaıdy

2021 jyldyń 28 shilde 2021 13:04

NUR-SULTAN. QAZAQPARAT – Jańa oqý jylynyń alǵashqy toqsanynda oqýshylar qandaı formatta bilim alady? Bilim jáne ǵylym mınıstrligi Mektepke deıingi jáne orta bilim komıteti tóraǵasynyń orynbasary Jomart Qarambaevqa Ortalyq kommýnıkatsııalar qyzmetinde BAQ ókilderi osyndaı saýal qoıdy, dep habarlaıdy QazAqparat tilshisi.

«Bul epıdemıologııalyq jaǵdaıǵa baılanysty. Sheshimdi koronavırýsty taratpaý jónindegi vedomstvoaralyq komıssııa shyǵaryp, ol sheshim Memlekettik sanıtarlyq dárigerdiń qaýlysymen bekitiledi. Epıdemıologııalyq jaǵdaı jaqsarǵan kezde mınıstrlik dástúrli oqytý formatyna kóshýge daıyn», - degen Jomart Qarambaev qalypty oqý formatyna aýysý úshin pedagogterge vaktsına alý talaby qoıylmaıtynyn aıtty.

«Mundaı talaptar qoıylmaıdy, muǵalimder erikti túrde ekpe alyp jatyr. Eń bastysy, ujymdyq ımmýnıtet qalyptasýy kerek. Sol úshin ustazdardyń 100 paıyz vaktsına alǵany jón bolar edi», - dedi vedomstvo ókili.


Joǵary qaraı