Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Oqýshylar mektepke ózderine yńǵaıly kıimmen bara alady – Bilim vıtse-mınıstri

2021 jyldyń 2 naýryz 2021 13:17

NUR-SULTAN. QazAqparat – Oqýshylardyń aralas formatqa aýysýyna baılanysty mektep formasyn satyp alýdyń qajeti joq.

Bul týraly Ortalyq kommýnıkatsııalar qyzmetinde ótken Orta jáne joǵary bilim berýge qatysty mańyzdy suraqtar týraly brıfıngide aıtyldy, dep habarlaıdy QazAqparat tilshisi.

«Oqýshynyń aýyryp qalýy nemese naýqas adamdarmen baılanysty bolýy sııaqty erekshe jaǵdaılarda ata-ananyń ótinishi negizinde oqýshylardyń qashyqtyq formatta oqý múmkindigi bar. Aralas oqý formatyna kóshken kezde sanıtarlyq talaptar saqtalýy kerek. Bilim basqarmalary, bilim bólimderi jáne mektep basshylary ár mektepte sanıtarlyq talaptardyń qatań saqtalýyna kóńil bólýi kerek. Ekinshiden, barlyq bilim berý protsesine qatysýshylardyń bári jeke bas gıgıenasyn saqtaý boıynsha sanıtarlyq talaptardy qatań saqtaýy kerek», - deıdi Bilim jáne ǵylym vıtse-mınıstri Sholpan Karınova.

Onyń aıtýynsha, ata-analar tarapynan úlken qoldaý jumysy kerek.

«Oqýshylardyń jas erekshelikteri, fızıologııalyq, psıhıkalyq damýy eskerilip, ata-analar balalaryna jeke gıgıena, sanıtarlyq talaptardy saqtaý boıynsha únemi aıtyp otyrýy kerek. Oqý jylynyń basynda tolyq oqý jyly boıy mektep formasyn saqtamaý týraly sheshim qabyldanǵan bolatyn. Oqýshylardyń aralas formatqa aýysýyna baılanysty mektep formasyn satyp alýdyń qajeti joq. Oqýshylar ózderine yńǵaıly, taza, uqypty kıimmen barýlaryna bolady», - deıdi ol.


Joǵary qaraı