Aýa raıy
Astana -25 °S
Almaty -9 °S
valıýta baǵamy
USD 421.58
EUR 496.83
RUB 5.53
CNY 62.20

Olardan úlgi almańyzdar – Sádýaqas Baıǵabylov áýejaıdan qashyp ketken eki jolaýshy týraly

2020 jyldyń 27 qazan 2020 17:33

NUR-SULTAN. QazAqparat – Kóliktegi bas memlekettik sanıtarlyq dáriger Sádýaqas Baıǵabylov halyqaralyq áýe reısterimen shetelden ushyp keletin otandastarymyzdy tekserý jumystaryna túsinistik tanytýdy surady, dep habarlaıdy QazAqparat tilshisi.

Aıta ketsek taıaýda Nur-Sultan qalasynyń áýejaıynan eki jolaýshynyń qashyp ketkeni týraly BAQ-ta aqparat taraǵan edi.

«Qaýipsizdik sharalaryna qaramastan túsinistik tanyta bermeıtin azamattar bar. Atap aıtqanda taıaý kúnderi eki jolaýshy áýejaıdan qashyp ketti. Olardyń jeke málimetteri bizge belgili bolǵandyqtan olardyń qaıda ekenin anyqtaý qıyn bolmady. Osydan keıin olardy taýyp alyp, eki kúndik karantınge jatqyzdyq», - dedi Sádýaqas Baıǵabylov OKQ-da ótken baspasóz máslıhatynda.

Ustalǵan azamattar karantındik statsıonarda PTR test tapsyrǵan.

«Bizge keletin jolaýshylarǵa aıtar keńesim: bul jolaýshylardan úlgi almańyzdar, sebebi árbir jolaýshy týraly jeke málimetterdiń bári bizde bolady. Aqparattyq júıelerge engiziletin aqparattyq derekqor bar. Kez kelgen jolaýshyny tabý op-ońaı», - dedi Sádýaqas Baıǵabylov.

Eske sala ketsek búgin QR Úkimetiniń baspasóz qyzmeti vedomstvoaralyq komıssııanyń áýe kompanııalaryna PTR testi nátıjesi týraly anyqtamasy joq jolaýshylardy ushaqqa otyrǵyzýǵa tyıym salý týraly sheshimin túsindirgen bolatyn. Bul talap tek sheteldik azamattarǵa qatysty. Shetelde júrgen QR azamattarynyń áýe reısterimen PTR testileýden ótkeni týraly anyqtamasynsyz otanyna oralýǵa quqyǵy bar. Mundaı jaǵdaıda Qazaqstanǵa kelgennen keıin qazaqstandyqtar PTR testileý nátıjesin alǵanǵa deıin karantınge ornalastyrylatyn bolady. QR óńirleri arasyndaǵy ishki áýe reısteriniń ushaǵyna otyrǵyzý kezinde PTR test nátıjesi týraly anyqtama talap etilmeıdi.




Joǵary qaraı