Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Olımpıada: Boksshy Ábilhan Amanquldyń qarsylasy anyqtaldy

2021 jyldyń 26 shilde 2021 18:24

TOKIO. QazAqparat - Japonııa astanasy Tokıo qalasynda ótip jatqan Olımpıada oıyndarynda qazaqstandyq boksshy Ábilhan Amanquldyń qarsylasy anyqtaldy, dep habarlaıdy QazAqparat.

Aıta keteıik, ol 75 kelide jarystyń birinshi irikteý satysyna qatysqan joq.

Endi ol ekinshi irikteý satysynda Ózbekstannan kelgen Fanat Kahramonovpen qolǵap túıistiretin boldy.

Ózbek boksshysy búgin grýzııalyq Georgıı Harabadzeni jeńip, jarysty jalǵastyrýǵa múmkindik aldy.

Qazaq jáne ózbek bylǵary qolǵap sheberleriniń jekpe-jegi 29 shildege belgilengen.

Qarsylastar byltyr Iordanııa astanasy Amman qalasyndaǵy lıtsenzııalyq týrnırde kezdesip, ol joly qazaqstandyq boksshynyń mereıi ústem bolǵan edi.

Aıta keteıik, Olımpıadada 57 kelide judyryqtasqan Serik Temirjanov birinshi jekpe-jekte vengrııalyq Roland Galoshtyń osal tusyn tapty.

Al, 63 kelide Zakır Safıýllın perýlik Leodan Peso Saboııany jeńip, jarystyń kelesi satysyna joldama aldy.

Sondaı-aq, Sáken Bıbosynov (52 keli) alǵashqy jekpe-jeginde Pýerto-Rıko elinen kelgen ıAnkel Rıvera Fıgerony qapy qaldyryp ketti.


Avtor Ádiljan Úmbet
Basty sózder: Sport, Olımpıada, Boks,
Joǵary qaraı