Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Olımpıada chempıony Nıdjat Rahımov dopıng daýyna qatysty málimdeme jasady

2021 jyldyń 20 qańtar 2021 14:25

NUR-SULTAN. QazAqparat – Qazaqstandyq aýyr atlet, Rıo Olımpıadasynyń chempıony Nıdjat Rahımov dopıng daýyna qatysty málimdeme jasady. Málimdemeni ol Instagram paraqshasynda jarııalady, dep habarlaıdy QazAqparat tilshisi.

«Dostar, keshe keshke meniń atyma jarııalanyp jatqan aıyptar jóninde habarlama aldym. Menińshe, mundaı jańalyq kezekti jarysqa daıyndalyp jatqan kez kelgen atlet úshin tosyn oqıǵa bolary anyq. Maǵan qandaı da bir tyıym salynǵan zatty qabyldaǵanym úshin aıyp taǵyp otyrǵan joq. Kez kelgen kásibı sportshy retinde maýsym boıy men birneshe ret dopıng synamasyn ótkizemin. Kishi dáretime ary qaraı ne bolatynyn men bilmeımin. Odan arǵy sharýa bizdi tekseretin testileýshi organdardyń jaýapkershiliginde. Dostar, men qol qýsyryp, bóten adamnyń aıybyn moınyma alǵaly otyrǵan joqpyn. Jeńiske jetken kúni myńdaǵan qazaqstandyqtyń qýanǵany meni shabyttandyrdy. Meniń senimdi dostarym retinde búgin de men sondaı qoldaýǵa ıe bolaryma kúmánim joq. Men adal sportty qoldaımyn. Ázirge Halyqaralyq test agenttigine túsinik berýim kerek. Ol jerde joǵaryda aıtqandarymnyń bárin de baıandap beremin», - dep jazdy Nıdjat Rahımov.

Eske sala ketsek buǵan deıin Nıdjat Rahımov dopıngke qarsy erejelerdi buzdy degen kúdikpen ýaqytsha sporttan shettetilgen edi.

Nıdjat Rahımov 2016 jyly zár taldaýyn almastyrdy dep aıyptalýda. Dál osyndaı aıyppen 2017 jylǵy Eýropa chempıony Dýmıtrý Kaptarı da sporttan ýaqytsha shettetilgen bolatyn.


Avtor Aıan Bekenuly
Basty sózder: Olımpıada, Qoǵam, Sport,
Joǵary qaraı