Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Olımpıada: Medal kestesinde Qazaqstan 55-orynǵa syrǵydy

2021 jyldyń 29 shilde 2021 20:53

NUR-SULTAN. QazAqparat – XXXII Jazǵy Olımpıada oıyndarynyń 29 shildedegi medal kestesinde Qazaqstan taǵy 3 saty tómendedi, habarlaıdy QazAqparat tilshisi.

Qazaqstan qorjynyndaǵy medal sany áli de ózgerissiz.

Dzıýdoshy Eldos Smetov, aýyr atletter Igor Son men Zýlfııa Chınshanlo jeńip alǵan qola 3 medaldiń kómegimen kesteniń 55-shi satysynda turmyz. Eki kúni boıy Qazaqstanmen bir oryndy bólisip turǵan Ýkraına búgin taǵy bir qola medal alyp, bir saty órledi.

Jalpy medal alǵan memleketterdiń sany 66-ǵa jetti.

Komandalyq esepte medal sany boıynsha 15 altyn 7 kúmis, 9 qola medalmen Qytaı alǵa shyqty. Ekinshi orynǵa yǵysqan Japonııanyń altyn medaldarynyń sany da 15. Alaıda kúmis jáne qola medal sany Qytaıdikinen az (4 kúmis, 6 qola).

Úzdik úshtikti túıindep turǵan AQSh-tyń enshisinde ázirge 14 altyn, 14 kúmis, 10 qola medal bar.

Medal sany boıynsha alǵashqy ondyqta turǵan komandalardyń kórsetkishteri mynadaı:

1. Qytaı - 15-7-9

2. Japonııa - 15-4-6

3. AQSh - 14-14-10

4. Reseı - 8-11-9

5. Aýstralııa- 8-2-10

6. Ulybrıtanııa - 5-7-6

7. Ońtústik Koreıa - 4-3-5

8. Frantsııa - 3-5-3

9. Germanııa - 3-3-7

10. Italııa - 2-7-10


Bıyl dúbirli dodada 33 sport túrinen 339 medal jıyntyǵy sarapqa salynady. Aıtýly alamanǵa jer betindegi 206 memleketten 11 myńnan astam sportshy qatysýda. Buǵan deıin Qazaqstan quramasy alty Jazǵy Olımpıada oıyndaryna qatysqan bolatyn. Jalpy medal jıyntyǵy: 21 altyn, 28 kúmis, 64 qola medal.


Avtor Esimjan Naqtybaı
Basty sózder: Statıstıka, Olımpıada,
Joǵary qaraı