Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Olımpıada jeńimpazdary men júldegerlerine maskany sheshýge ruqsat etildi

2021 jyldyń 26 shilde 2021 10:10

NUR-SULTAN. QazAqparat – Tokıodaǵy Olımpıada oıyndarynyń júldegerlerine Olımpıada uıymdastyrýshylary marapattaý rásiminde sýretke túsý kezinde 30 sekýndqa maskany sheshýge ruqsat etti.

Bul týraly Halyqaralyq olımpıada komıtetiniń saıtynan málim boldy, dep habarlaıdy QazAqparat BaigeNews.kz saıtyna silteme jasap.

Ánuran bitkennen keıin sportshylarǵa maksımým 30 sekýndqa maska sheshýge bolatyny týraly belgi beriledi. Bul kezde júldegerler burynǵysha áleýmettik araqashyqtyqty saqtaý kerek bolady.

Budan keıin olımpıadashylarǵa maskany qaıta taǵý kerektigi jóninde taǵy bir belgi beriledi. Sol kezde maska taqqan jeńimpazdarmen olardyń tuǵyrynda sýretke túsýge ruqsat etilmek.

Eske sala keteıik, Qazaqstan ázirge bıylǵy Olımpıada oıyndarynda eki «qola» aldy. Eline jeńisti dzıýdoshy Eldos Smetov pen aýyr atletshi Igor Son ákeldi.


Basty sózder: Olımpıada, Karantın, Koronavırýs,
Joǵary qaraı